काठमाडौ २१ फागुन । इरानमा आपत्कालिन औषधि र चिकित्सक बोकेको हेलिकोप्टर दुर्घटना हुदा पाँच जनाले ज्यान गुमाउनु परेको छ ।

दुर्घटनामा परी हेलिकोप्टर सवार सवैको मृत्यु भएको त्यहाँका सरकारी अधिकारीहरुले जानकारी दिएका छन् । हेलिकोप्टर इरानको दक्षिणपश्चिमी ग्रामिण क्षेत्रमा दुर्घटना ग्रस्त अबस्थामा फेला परेको छ।

गर्भवती महिलालाई आपत्कालिन उपचारका लागि लैजान खटिएको हेलिकोप्टर दुर्घटनामा परेको बताइएको छ । आपत्कालिन सेवाको आवश्यकता परेकी २६ बर्षीया गर्भवती महिलाको ज्यान जोगाउनका लागि गएको हेलिकोप्टर आफै दुर्घटनामा परेको हो, आपत्तकालिन सेवा प्रमुख पिर होसैन कुलिभान्डले भने।

चालक दलका तीन र सहयोगी दुई जना गरी पाँच जनाको दुर्घटनामा परी मृत्यु भएको छ। पहाडी क्षेत्रमा रहेको ट्रन्समिसन टावरमा ठोक्कीएर होलिकोप्टर दुर्घटना भएको हो । इरानमा बेला बेलामा हेलिकोप्टर तथा विमान दुर्घटना भइरहने गरेका छन्। अहिले दुर्घटना भएको क्षेत्रमा यसअघि पनि दुर्घटना भएको अधिकारीहरुले बताएका छन्।