पोखरा, २० फागुन । कास्की मोड्नाइज्ड एकेडेमी विद्यालयले पोखराले वार्षिक कार्यक्रम अन्तरगत सोमवार साँस्कृतिक तथा पुरस्कार वितरण कार्यक्रम सम्पन्न गरेको छ ।

विद्यालयको प्रेक्क्ष्यालयमा सन्चालित उक्त कार्यक्रममा विद्यार्थीको तह र स्तर अनुसार ५ समुहमा विभाजन गरी २०७४ सालको शैक्षिक पुरस्कार लगाएत उत्कृष्ट अनुशासित, उत्कृष्ट मनिटर, उत्कृष्ट सरसफइका साथै सबै बिधा र क्षेत्रमा उत्कृष्ट हुने विद्यार्थीहाई प्रमाण पत्र , मेडल तथा ट्रफि वितरण गरिएको थियो ।

सोहि अवसरमा लेभल टपर, एसईई, टपर, तथा दश जोड दुई विज्ञान र व्यवस्थापन संकाय टपरलाई पुरस्कार तथा प्रमाणपत्र वितरण गरिएको थियो । कार्यक्रममा विद्यालय ब्यवस्थापन समितिका अध्यक्ष राधा नेपालीले विद्यार्थी भित्र रहेको विभिन्न प्रतिभाको पहिचान गरी पुरस्कृत गर्दा उनीहरुको हौसला वढ्ने बताइन् ।

विद्यालयका इन्चार्ज तथा दश जोड दुई कोर्डिनेटर शिवलाल उपाध्यायले हरेक विद्यार्थीमा केही न केही क्षमता हुने तर त्यसलाई पत्ता लगाएर वाहिर ल्याउन सके जीवनमा सफलता प्राप्त गर्न सकिने कुरा बताए ।

सोही कार्यक्रममा विद्यालयका संस्थापक प्रिन्सिपल राम बहादुर मोचीले हरेक द्यिार्थीले आफ्नो लक्ष्य प्राप्त गर्ने एक मात्र मार्ग शिक्षा भएको बताए । कास्की मोडनाइज्डको प्रगति देखेर डाहा गर्नेहरुले अर्को कुनै उपाए नपाएर विद्यालय बेचियो , यो अब सर्दै छ भन्ने जस्ता झुटा हल्ला चलाइएको प्रति आपत्ति प्रकट गरे ।

कार्यक्रममा शिवु ढकाल , मिलन तिमिल्सिना , नरबहादुर लामा , गँगा आले , निर्मला पहारी र मन कुमारी गुरुङले आफ्नो मन्तव्य राखेका थिए ।