पोखरा २० फागुन । पोखरा— ११ काहूँमानवनिर्मित केदारेश्वर महादेवमणि मन्दिरको महाशिवरात्रीको अवसरमा उद्घाटन गरिएको छ ।

केदारेश्वर महादेव मन्दिर बैदामका पिठाधिश डा.लेखनाथ आचार्यले उद्घाटन गर्दै हिन्दु धर्म सर्वश्रेष्ठ रहेकाले कहिकतैबाट यस धर्म प्रति विचलन हुन नदिन सबै सचेत रहनु पर्ने बताए ।

करिव तीन रोपनी क्षेत्रफलमा सोह्र लाखको लागतमा निर्माण गरिएको उक्त मन्दिर बि.स. १९८४ सालमा केदार गिरीले निर्माण गरेका हुन् ।

मन्दिर समितिकी अध्यक्ष खुम कुमारी रायमाझीको अध्यक्षतामा भएको कार्यक्रममा निर्माण संयोजक तीर्थ बहादुर बस्नेत, समाजसेवी एवम् चन्दादाता टिका बहादुर कार्की, वडा सदस्य मीन बहादुर गुरुङ लगायतले शुभकामना व्यक्त गरेका थिए ।
कोषाध्यक्ष रामकृष्ण लामिछानेले आर्थिक प्रतिवेदन उपाध्यक्ष बीरेन्द्र बहादुर बस्नेतले स्वागत र सचिव काशिनाथ लामिछानेले कार्यक्रमको सञ्चालन गरेका थिए भने सो अवसरमा चन्दादाताहरुलाई समेत सम्मान गरिएको थियो ।