पोखरा १९ फागुन । सातौँ सिटी रेवान महोत्सव तथा फूड फेष्टिबल २०७५ साथमा क्यान इन्फोटेक मेला आइतबारदेखि पोखरामा सुरु भएको छ । ‘पर्यटन प्रवद्र्धनको लागि सँगसँगै’ भन्ने नाराका साथ सुरु भएको महोत्सवको उद्घाटन गर्दै उद्योग, पर्यटन, वन तथा वातावरण मन्त्री विकास लम्सालले पोखरालाई पर्यटनको राजधानी बनाउनेमा कुनै सन्देह नभएको बताए ।
‘प्रदेश सरकारले सन् २०१९ लाई आन्तरिक भ्रमण बर्षका रुपमा मनाइरहेको छ, ’ उनले भने, ‘समृद्धिका लागि सहर केन्द्रित नभई हरेक स्थानीय निकायमा रहेका पर्यटकीय स्थलहरुको पहिचान गरी प्रवद्र्धन गरिने छ ।’
पर्यटनबाटै आर्थिक समृद्धि सम्भव रहेको भन्दै मन्त्री लम्सालले पर्यटनको पहिलो आधार पूर्वधार भएकाले सन् २०२१ लाई पुर्वाधार निर्माण वर्षका रुपमा मनाउन लागिएको उल्लेख गरे ।
अर्को प्रसंगमा मन्त्री लम्सालले रविन्द्र अधिकारी सवार जहाज दुर्घटनाले अन्तराष्ट्रियस्तरमा नेपाली आकाश असुरक्षित रहेको सन्देश गएकाले यसलाई चिर्न आवश्यक रहेको औंल्याए ।
पोखरा उद्योग वाणिज्य संघका अध्यक्ष दामु अधिकारीले ट्रेड फेयरको रुपमा फेष्टिवललाई विकसित गर्दै लैजानुपर्ने बताए । अधिकारीले व्यवसायीहरुलाई मेला महोत्सवबाट फाइदा खोज्नु भन्दापनि आ–आफ्नो व्यवसायको प्रवद्र्धन गर्न आग्रह गरे ।
कार्यक्रममा सिटी रेवानका संस्थापक अध्यक्ष चिरञ्जीवी श्रेष्ठ, नेपाली काँग्रेस कास्कीका कोषाध्यक्ष लक्ष्मी पाण्डे, नयाँ शक्तिका संयोजक देवीप्रसाद सुवेदी, उपभोक्ता मञ्चका अध्यक्ष कपिलनाथ कोइराला, सामुदायिक सेवा केन्द्रका जयराम अधिकारीलगायतले बोलेका थिए ।
पोखराको प्रदर्शनी केन्द्रमा फागनु २७ गतेसम्म सञ्चालन हुने महोत्सवको पहिलो दिन आइतबार स्थानीय तथा राष्ट्रिय कलाकारहरुको सांगीतिक प्रस्तुती रहेको थियो ।
Related News
सम्बन्धित समाचार
घान्द्रुक पर्यटन महोत्सवमा घोडा दौड
दुर्लभ पाटेबाघ सहजै देख्न पाइने !
ठूलाकोट र ठूलास्वारा प्रवर्द्धनमा भिटोफ गण्डकी
प्रधानमन्त्री प्रचण्ड र मुख्यमन्त्री पाण्डेले सँगै कम्मर मर्काउँदा
पोखरा अन्तर्राष्ट्रिय विमानस्थलदेखि पृथ्वीचोकसम्म सटल बस
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०