स्वतन्त्र पत्रकार संघ बाँकेमा नमस्कार शाह

३ जना अग्रज पत्रकार सम्मानित

Avatar आदर्श समाज सम्वाददाता
फागुन १८, २०७५
Swatantra

पोखरा, १८ फागुन । स्वतन्त्र पत्रकारहरुको छाता संगठन स्वतन्त्र पत्रकार संघ नेपाल, बाँके शाखाको शनिबार सम्पन्न दोस्रो अधिवेशनले पुनः नमस्कार शाहको अध्यक्षमा नयाँ कार्यसमिति सर्वसम्मत् चयन गरेको छ ।

जसमा कार्यसमिति उपाध्यक्ष, सचिव, सहसचिव र कोषाध्यक्षमा क्रमशः हेमराज भट्ट, छविलाल सुनार, शम्भु शाही र मुना विष्ट चयन भए । सदस्यमा खेम विष्ट र दीला शाह छन् । रिक्त २ सदस्य पछि मनोनीत गर्ने प्रावधान छ ।

जिल्ला समन्वय समिति, बाँके प्रमुख अजय श्रीवास्तवले अधिवेशनको उद्घाटन गर्दै पत्रकारिताजगत स्वतन्त्र नहुँदा समाज पछि परेको बताए । उनले हरेक कुरामा राजनीतिकरण हुँदा पत्रकार पनि दलहरुमा विभाजित भएको बताए । पत्रकार नै दलमा विभाजित भए विभाजित पत्रकारबाट समाजले सही सूचना नपाउनु स्वभाविक हुने टिप्पणी गरे । उनले पत्रकारिता स्वतन्त्र नहुँदा काम गरिरहेका व्यक्तिहरु समेत ओझेलमा परेको उनको भनाइ थियो ।

स्वतन्त्र पत्रकार संघ नेपालका राष्ट्रिय अध्यक्ष कृष्णप्रसाद बास्तोलाले पत्रकारिताको सुदृढीकरण र सवलिकरणका लागि स्वतन्त्र पत्रकारिता आवश्यक रहेको बताए । उनले पत्रकारितामा भइरहेको व्यापक राजनीतिकरणविरुद्ध स्वतन्त्र पत्रकार संघ स्थापना भएको बताए ।

संघका राष्ट्रिय महासचिव नवराज पहाडीले स्वतन्त्र पत्रकारिता पत्रकारिताको पेशागत धर्म भएको बताए । देशभरका स्वतन्त्र पत्रकार संगठित गर्दै १९ जिल्लामा शाखा विस्तार गर्न संघ सफल भएको उनले बताए । स्वतन्त्र पत्रकारिताको जगेर्ना गर्न आइपर्ने हरेक बाधा, व्यवधान सामना गर्न संघ तयार रहेको उनको भनाइ थियो ।

अग्रज पत्रकार पूर्णलाल चुकेले स्वतन्त्र पत्रकारिताले नै समाजलाई जागरुक बनाउने बताए । उनले जीवनको लामो समय स्वतन्त्र पत्रकारितामा बिताएको अनुभव सुनाए। पत्रकार राजनीतिमा विभाजित हुँदा समाजमा नकारात्मक सन्देश प्रवाह भएको बताए ।

कार्यक्रममा संघका राष्ट्रिय कोषाध्यक्ष वीरेन्द्र पाण्डे, उपमहासचिव राजेन्द्रजंग रायमाझी, राष्ट्रिय पार्षद डीआर सुमन, नेपाल पत्रकार महासंघ प्रदेश ५ का सचिव शुक्रऋषि चौलागाईं, राष्ट्रिय सदस्य मन भण्डारी लगायतले बोलेका थिए ।

शाखा अध्यक्ष नमस्कार शाहको अध्यक्षतामा भएको अधिवेशन उपाध्यक्ष छबिलाल सुनारले सञ्चालन र सचिव हेमराज भट्टले स्वागत मन्तव्य दिएका थिए ।

अग्रज पत्रकार सम्मानित

अधिवेसशन अवसरमा बाँकेका ३ अग्रज पत्रकारलाई सम्मान गरिएको छ ।

प्रमुख अतिथि जिल्ला समन्वय समिति बाँके प्रमुख अजय श्रीवास्तव, विशिष्ट अतिथि स्वतन्त्र पत्रकार संघ नेपालका राष्ट्रिय अध्यक्ष कृष्णप्रसाद बास्तोलाले प्रेस स्वतन्त्रता सेनानी पन्नालाल गुप्ता, वरिष्ठ पत्रकार पूर्णलाल चुके र हेमन्त कर्माचार्यलाई दोसल्ला ओढाउँदै सम्मान प्रदान गरेका थिए । अस्वस्थताका कारण वरिष्ठ पत्रकार हेमन्त कर्माचार्य अनुपस्थित थिए । बाँके जिल्लालाई कर्मथलो बनाई पत्रकारिताको विकास र सम्बद्र्धनका लागि महत्वपूर्ण योगदान निर्वाह गरेकोमा उनीहरुलाई सम्मान गरिएको जनाइएको छ । अग्रज पत्रकारको योगदानको कदर गर्दै सम्मान प्रदान गरिएको संघले जनाएको छ ।

नवनिर्वाचित कार्यसमितिलाई राष्ट्रिय अध्यक्ष बास्तोला, महासचिव पहाडी, प्रदेश ५ का संयोजक रमेश सिटौला लगायतले बधाई ज्ञापन गरेका थिए ।

Related News

सम्बन्धित समाचार

    • फेवातालको क्षेत्रफल ११२५५ रोपनी

      Avatar आदर्श समाज सम्वाददाता फागुन १३, २०७७
      पोखरा । नेपाल सरकारको मन्त्री परिषद् बैठकको निर्णय सँगै फेवातालको क्षेत्रफल बढ्ने भएको छ । हाल साढे ४ वर्ग किलोमिटर…
    • ग्रामीण क्षेत्रमा सडक कालोपत्रे   

      rss रासस फागुन १३, २०७७
      म्याग्दी । म्याग्दीको सदरमुकाम बेनी बजार बाहिरका ग्रामीण क्षेत्रका सडक कालोपत्रे हुन थालेका छन् । विसं २०५२ मा सडक सञ्जालमा…
    • नेपाल–भारत मैत्री संघको साधारण सभा

      Avatar आदर्श समाज सम्वाददाता फागुन १२, २०७७
      पोखरा, १२ फागुन । नेपाल–भारत मैत्री संघ कास्की शाखाको पाँचौं साधारण सभा भएको छ । संस्थाका अध्यक्ष जगनबहादुर गुरुङको अध्यक्षतामा…
    • सुत्केरीलाई तेल, कुखरा र न्यानो कपडा

      Avatar आदर्श समाज सम्वाददाता फागुन १२, २०७७
      जाजरकाेट । जुनिचाँदे गाउँपालिकाले पाँच सय बढी सुत्केरी महिलालाई तेल, कुखरा र न्यानो कपडा वितरण गरेको छ । सुत्केरी आमासँग उपाध्यक्ष…
    • पुरोहितले अब उमेर हेरेर मात्र विवाह गराउने

      rss रासस फागुन ११, २०७७
      पर्वत । विवाहमा केटाकेटीको उमेर हेरेर मात्र काम गर्न पर्वतका पुरोहित सहमत भएका छन् । जिल्लामा बालविवाह र बहुविवाह गर्नेको सङ्ख्या…

    hero news full width

    sanil ads

    wordlink ads