दर्शकलाई आफ्नोपन अनुभूत ‘जानी नजानी’

Avatar एजेन्सी
फागुन १८, २०७५

पोखरा, १८ फागुन । नेपाली फिल्म ‘जानी नजानी’ यूनिट प्रचारको क्रममा पोखरा आईपुगेको छ । पोखरामा पत्रकार सम्मेलन गर्दै ‘रोमान्टिक–कमेडी’ जनराको यो फिल्मको यूनिटले दर्शकलाई फिल्म हेरिदिन आग्रह समेत गरेको छ ।

‘फिल्म हेर्दा दर्शकले भरपुर मनोरञ्जनसहित केही सन्देश दिने र, केहि फरक अनुभूति पनि दर्शकले गर्न सक्ने पत्रकार सम्मेलनमा फिल्मका अभिनेता मनिष श्रेष्ठले भने । यो फिल्म नेपाली स्वादको भएको उनको दावि थियो ।

विशेषगर? युवापुस्तालाई अरुको देखासिकी गर्नुभन्दा पनि आफ्नै शैलीको केही नयाँ काम गर्न फिल्मले सिकाउने उनले बताए । ‘यो फिल्म हेर्दा प्रत्येक दर्शकले त्यहाँको चरित्रसँग आफूलाई दाँज्न सक्नुहुन्छ । र, यहि कुरा नै फिल्मको सफलता हो, भन्ने मलाई लाग्छ ।’ श्रेष्ठ विश्वस्त देखिए ।

घाटामा गएको पुख्र्यौली ढाका उद्योगलाई एउटा युवा जोश र जाँगरले कसरी पुर्नस्थापित गराउन सक्छ ? भन्ने मुल कथा यो फिल्मले पस्केको छ । त्यसो त यो फिल्मले पारिवारीक सम्बन्ध र प्रेम सम्बन्धको कुरालाई पनि प्रस्ट्याउन खोजेको छ । फिल्मको ट्रेलरलाई पनि दर्शकले निकै राम्रो प्रतिक्रिया दिईरहेका छन् ।

त्यस्तै अभिनेत्री नीरिषा बस्नेतले फिल्मको ‘कन्टेन्ट’ मन परेरै आफूले ‘जानी नजानी’बाट नेपाली फिल्ममा डेब्यू गरेको बताईन् । बलिउडमा समेत काम गरिसकेकी नीरिषाले यो फिल्म हेर्दा कसैलाई घाटा नहुने दाबी गरिन् । ‘यस्ता फिल्महरु निकै कम बन्छन् । जसले मनोरञ्जनसँगै सामाजिक उत्तरदायित्व कसरी वहन गर्ने भन्ने विषयमा दर्शकसँग साक्षात्कार गर्छन् ।’ उनले भनिन्–‘यो निकै गज्जब विषयमा बनेकोले पनि दर्शकलाई नयाँ स्वाद हुन सक्छ ।’

Comments on दर्शकलाई आफ्नोपन अनुभूत ‘जानी नजानी’

हाम्रो सुझाव

पोखरा होली म्युजिक फेष्टिवलको तयारी पूरा

रँगीन युवाक्लब झिवाखोलाले होली कार्यक्रम गर्ने

वीरेठाँटीमा फागुपूर्णिमा मेला तयारी

११ औं खैरेनीटार महोत्सवका संयोजक चयन

प्रमुख समाचार

मातृभूमी क्रिकेट प्रतियोगिता हुँदै, पारस खड्का विरुद्ध ज्ञानेन्द्र मल्ल र मदनकृष्ण भर्सेज हरिवंश भिड्दै