पोखरा, १५ फागुन । लोककवि अली मियाँको १०१ औं जन्मजयन्तीको अवसरमा पोखरामा बुधबार दुई जना प्राज्ञलाई सम्मान गरिएको छ ।
अली मियाँ लोकवाङ्मय प्रतिष्ठानले नेपाल ललितकला प्रज्ञा प्रतिष्ठानका प्राज्ञ परिषद् सदस्य बुद्विबहादुर गुरुङ र नेपाल सङ्गीत तथा नाट्य प्रज्ञा प्रतिष्ठानका प्राज्ञसभा सदस्य प्रजापति पराजुलीलाई सम्मान गरेको हो ।
सांस्कृतिक संस्थानका महाप्रवन्धक राजेश थापा, प्रतिष्ठानका सल्लाहाकार प्राडा रविलाल अधिकारी र अध्यक्ष हनिफ मियाँले दोसल्ला, माला सहित सम्मानपत्र प्रदान गरी सम्मान गरेका थिए ।
कार्यक्रममा बोल्दै सांस्कृतिक संस्थानका महाप्रवन्धक राजेश थापाले भाषा, साहित्य र संस्कृति मुलुकको गहना भएको उल्लेख गरे ।
प्रतिष्ठानका सल्लाहाकार तारा पाखेले हराउँदै गएका पुराना संस्कृतिको खोजी र संरक्षणमा ध्यान दिनुपर्नेमा जोड दिए ।
अर्का सल्लाहाकार प्राडा कुसुमाकर न्यौपानेले सम्मान तथा पुरस्कारले सृजना क्षेत्रमा लागेकाहरुलाई प्रोत्साहित गर्ने बताए ।
कार्यक्रममा सम्मानित प्राज्ञहरु बुद्विबहादुर गुरुङ, प्रजापति पराजुली, पोखरा– १३ का वडा सदस्य हाजि रहिमुल्ला, संस्थाका सल्लाहाकार प्राडा रविलाल अधिकारी, नेपाल प्रेस युनियन कास्कीका अध्यक्ष नवीन सिग्देल, साहित्यकार रवीन्द्र माकाजु, जनसांस्कृतिक महासंघका मनकुमार श्रेष्ठले बोलेका थिए । त्यस्तै, साहित्यकारहरु अम्बिका भट्टराई र धर्मराज पौडेल ‘अल्पायु’ ले रचना वाचन गरेका थिए ।
त्यसअवसरमा साहित्यकार रवीन्द्र माकाजुको पुस्तक ‘विश्व शान्ति स्तुपा’ लोकार्पण समेत गरिएको थियो ।
अली मियाँ लोकवाङ्मय प्रतिष्ठानका अध्यक्ष हनिफ मियाँको अध्यक्षतामा भएको कार्यक्रममा उपाध्यक्ष हरिदेवी कोइरालाले स्वागत र सचिव पद्मराज ढकालले संचालन गरेका थिए ।
Related News
सम्बन्धित समाचार
सञ्जीवले ल्याए ‘जून ओर्लेको रात’
‘प्रिया !’ मुक्तक संग्रह लोकार्पण
फेवाताल किनारमा चित्ताकर्षक ओडिसी नृत्य
कर्मचारी युनियन कास्कीको क्यालेन्डर
जसुलाई रोटरी भोकेसनल एक्सिलेन्स अवार्ड
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०