काठमाण्डौ, १५ फागुन । सरकारी अस्पतालमा कार्यरत देशभरका डाक्टरहरुले बुधवारदेखि आकस्मिक बाहेकका सबै सेवा बहिष्कार गरेका छन् । डाक्टरहरुको आन्दोलनका कारण बिरामीहरु मर्कामा परेका छन् ।
देशैभरीका अधिकाशं अस्पतालहरुले ओपीडीको टिकट काटिएका छैनन्, आकस्मिक सेवा मात्र संचालनमा छन् । कर्मचारी समायोजन विधेयकको विरोध गर्दै सरकारी डाक्टरहरुले चरणबद्ध आन्दोलन गर्दै आएका छन् ।
यसअघि उनीहरुले धर्ना, ¥यालीलगायतका कार्यक्रम गर्दै आएका थिए । सबै सरकारी डाक्टरहरुलाई संघ मातहत राख्नुपर्ने माग उनीहरुको छ । सरकारी चिकित्सक संघ (गोदान)का अध्यक्ष डा. दीपेन्द्र पाण्डेले भने, ‘हाम्रा माग सम्बोधन गर्न सरकारलाई दिएको ७२ घण्टे अल्टिमेटम सकियो तर सरकारी पक्षबाट कुनै रेस्पोन्स आएन । त्यसैले पूर्वघोषित कार्यक्रम अनुसार, सरकारी स्वास्थ्य संस्थामा आकस्मिक बाहेकका सेवा बन्द गरेका हौं ।’
वीर अस्पतालको ओपीडी कक्षमा टाँसिएको सूचनामा लेखिएको छ– चिकित्सकहरुको वैज्ञानिक एवं व्यवहारिक समायोजनलगायतका लागि महिनौंको पहल पश्चातसमेत हाम्रो जायज आवाज नसुनिएपछि हामी चिकित्सकहरु यही अवस्थामा सेवा दिन असमर्थ भएका छौं ।
बिरामीलाई पर्न गएको असुविधाप्रति खेद व्यक्त गर्दै सूचनाको अन्त्यमा लेखिएको छ– आजको सानो दुःखले भोलिको चिकित्सा सेवामा सुधार ल्याउने छ ।’ सरकारी चिकित्सक संघको यो आन्दोलनलाई नेपाल मेडिकल एसोसियसनले समेत समर्थन गरेको छ । त्यसैले उपचार सस्तो हुने सरकारी अस्पतालहरुमा उपचार सेवा प्रभावित भएको छ । सरकारी अस्पतालमा ओपीडी सेवा बन्द भएपछि बिरामीहरु निजी अस्पतालमा जान बाध्य छन् र महंगो शुल्कको मारमा परेका छन् ।
Related News
सम्बन्धित समाचार
कृषिमा आत्मनिर्भर बनाउन प्रदेश सरकार क्रियाशील : मुख्यमन्त्री पोखरेल
असार १५ : दहीच्युरा खाएमा औषधिको काम गर्छ
बूढीगण्डकी कम्पनी मोडलमा बनाउने सरकारी निर्णय
छोराद्वारा आमाको हत्या
नेकपा एसका ४ मन्त्री र १ राज्यमन्त्रीले लिए सपथ
hero news full width
मुख्य समाचार
संस्कृत शिक्षाको आकर्षण बढ्दै छ : जगन्नाथ रेग्मी
पुतलीबजार नगरपालिकाको पहिलो निर्णय नै खारेज
असार १६, २०७९एमाले माग्यो गण्डकीका मुख्यमन्त्रीको राजीनामा
असार १५, २०७९लाम्पाटा–दरबाङ सडक आयोजना अलपत्र
असार १५, २०७९जनताको प्राथमिकता सडक नै हुँदो रहेछ : देवीजंग गुरुङ
असार १४, २०७९वामदेव गौतमद्वारा नयाँ पार्टीको घोषणा
असार १४, २०७९