पोखरा, १५ फागुन । कास्कीमा मंगलवार साँझदेखि नै पानी परेको छ । मौसम विद्का अनुसार नेपालका अधिकाशं भागको १६ गतेसम्म बर्षा हुने पूर्वनुमान गरिएको छ । कास्कीमा भने विहीवार मौसम खुल्ने सम्भावना छ ।

मौसमविद् मञ्जु बासीले बुधवार काठमाडौं उपत्यकासहित देशभरजसो मेघगर्जनसहित वर्षा हुने बताइन् । मेघगर्जनसहित वर्षासँगै चट्याङको पनि खतरा रहेको जानकारी उनले दिइन् ।

पश्चिमी वायुको प्रभावले अहिले पूर्वी र पश्चिमी जिल्लाका उच्च पहाडी भू—भागमा हिमपात तथा देशका धेरै ठाउँमा पानी परिरहेको छ। मौसमविद् बासीले भनिन ‘पोखरा, नेपालगन्ज, भरतपुरमा अहिले पानी परिहेको छ भने जोमसोमलगायत हिमाली क्षेत्रमा हिमपात भइरहेको छ।

मौसम पूर्वानुमान महाशाखाले भनेको छ—‘बुधबार देशभर सामान्यदेखि पूर्ण बदलीको सम्भावना छ। देशको पश्चिमी भू—भागका अधिकांश स्थानमा मेघ गर्जनसहित वर्षाको सम्भावना छ। मध्य र पूर्वका अधिकांश स्थानमा हल्का वर्षाको संभावना छ। देशका उच्च हिमाली भू—भागहरूमा हल्कादेखि मध्यम हिमपात सम्भावना छ।’

मौसमविद् बासीका अनुसार विहीवार मौसम खुल्ने सम्भावना छ। तर केही ठाउँमा हल्का वर्षाको सम्भावना भने छ। ‘अहिले भएको मौसम बदली मंगलबार प्रवेश गरेको पश्चिमी वायुको प्रभाव हो भने पश्चिमी क्षेत्रमा पहिलेदेखिकै पुरानो प्रभाव छ।’
पन्ध्र गते बुधवार देशभर सामान्यदेखि पूर्ण बदलीको सम्भावना छ। देशको पश्चिमी भू—भागका अधिकांश स्थानमा मेघगर्जनसहित हल्कादेखि मध्यम वर्षाको संभावना छ। साथै मध्य र पूर्वका अधिकांश स्थानमा हल्का वर्षाको सम्भावना छ। देशका उच्च हिमाली भू–भागमा हल्कादेखि मध्यम हिमपातको सम्भावना छ।

विहीवार देशको पूर्वी तथा मध्य भूभागलगायत पश्चिमी पहाडको भू—भागमा आंशीकदेखि सामान्य बदली रही बाँकी भूभागमा आंशीक बदली रहने देखिन्छ । देशको पूर्वी भू—भागलगायत मध्य र पश्चिमी पहडाी भूभागका केही स्थानहरूमा मेघगर्जनसहित हल्का वर्षाको सम्भावना छ। छ। देशका उच्च हिमाली भूभागहरूमा हल्का हिमपातको सम्भावना छ। देशको पहाडी भूभागमा आंशीक बदली रहने र बाँकी भूभागमा मौसम सामान्यतया सफा रहनेछ।