प्रेस युनियन पदाधिकारीको सम्मान

Avatar आदर्श समाज सम्वाददाता
फागुन १४, २०७५
union_Fotor

पोखरा, १३ फागुन। नेपाल प्रेस युनियन कास्कीको नवौं अधिवेशनबाट निर्वाचित पदाधिकारी एवं सदस्यलाई पोखरामा सोमबार सम्मान गरिएको छ।

कार्यक्रममा कास्की काँग्रेसका सभापति कृष्ण केसी र न्यूनतम पारिश्रमिक निर्धारण समितिका अध्यक्ष गंगाधर पराजुलीले निर्वाचित पदाधिकारी एवं सदस्यलाई सम्मान गरे।

काँग्रेस जिल्ला सभापति केसीले प्रेस स्वत्रन्त्रताका लागि काँग्रेस प्रतिबद्व रहेको बताए। उनले लोकतन्त्रमा प्रेसमाथि हस्तक्षेप गर्न खोजिए स्वीकार्य नहुने उल्लेख गरे।

न्यूनतम पारिश्रमिक निर्धारण समिति अध्यक्ष पराजुलीले मिडिया हाउसले पत्रकारको न्यूनतम पारिश्रमिक कार्यान्वयन गर्नुपर्नेमा जोड दिए। पत्रकारहरुको हक हितका लागि न्यूनतम पारिश्रमिक कार्यान्वयन गर्नुपर्ने उनको भनाइ थियो।

आदर्श समाज राष्ट्रिय दैनिकका कार्यकारी सम्पादक समेत रहेका युनियनका नवनिर्वाचित अध्यक्ष नवीन सिग्देलले पत्रकारको हकहितका लागि युनियनले काम गर्ने बताए। कार्यक्रममा प्रेस युनियन गण्डकी संयोजक टंक अधिकारी र पत्रकार महासंघ कास्कीका सदस्य कमल पौडेल अथकले पनि बोलेका थिए।

Related News

सम्बन्धित समाचार

    hero news full width

    sanil ads

    wordlink ads