नयाँदिल्ली, १३ फागुन । मिस सुपर मोडल २०१९ मा नेपालकी अदिती अधिकारी ‘सेकेण्ड रनरअप’ हुन सफल भएकी छन् ।

भारतमा हालै सम्पन्न विभिन्न १६ देशका सुन्दरी सहभागी प्रतियोगीतामा अदितीले ‘मिस फेसन मोडल’को उपाधी समेत जितेकी छन् । उनले अन्तराष्ट्रिय प्रतियोगीतामा नेपालको तर्फबाट सहभागीता जनाउँदै ‘सेकेण्ड रनरअप’ हुन पाउँदा खुसी लागेको बताएकी छन् ।

प्रतियोगीतामा सहभागी हुन पाउँदा आफूले अन्य सहभागीबाट धेरै कुरा सिक्न पाएको उनले बताइन्। नेपालको तर्फबाट अन्तर्रािष्ट्रयस्तरको प्रतियोगितामा भाग लिएर ‘सेकेण्ड रनरअप’ हुन पाउँदा निकै खुसी छु — उनले भनिन् ।
अदिती ‘मोडल हन्ट नेपाल २०१८’की विजेता हुन्। प्रतियोगीताको उपाधी रसियाकी तातीयानाले जितिन् भने फस्ट रनरअप फिलिपिन्स पाउलिन् भइन्।