काठमाडौ, १२ फागुन । नेकपाका बरिष्ठ नेता माधवकुमार नेपालले सरकारका कामप्रति असन्तुष्टि व्यक्त गरेका छन् । सरकारी कर्मचारीले आफ्नो जिम्मेवारी वहन नगर्ने र उनीहरुमा कक्तिपनि डर नहुँदा त्यस्ता कर्मचारीलाइृ सरकारले दण्डित गर्न नसकेको प्रति असन्तुष्टि प्रकट गरेका हुन् ।

नेपाल राष्ट्रिय व्यवसायी महासंघद्धारा राजधानीमा आयोजित कार्यक्रममा नेता नेपालले कर्मचारी आठ घण्टा काम गर्नुपर्नेमा सात घण्टा त कामै नहुने गरेको गुनासो आफूकहाँ आएको उनले बताए । कर्मचारीमा डर हराएको भन्दै उनले भने, म सरकारलाई भन्न चाहन्छु, प्रशासनलाई कडाई गर्नुस् । काम समयमा नगर्नेलाई दण्डित गर्नुस्। पदको दुरुपयोग गर्नेलाई सजाय दिनुस् ।’

सरकारका मन्त्रीमा धेरै बोल्ने र कम सुन्ने समस्या देखिएको बताए । उद्योग र अर्थ मन्त्रालयले आफ्ना कुरा नसुनेको व्यवसायीहरुको गुनासो छ, प्रकृतिले दिएको छ एउटा मुख धेरै बोल्छौं, दिएको छ दुईटा कान तर कम सुन्छौं । यस्तो विसंगती किन देखियो बुझ्न सकेको छैन, नेता नेपालले भने ।

पूर्वर्थमन्त्री डा. रामशरण महतले सरकारको अदुरदर्शी नीतिका कारण मुलुक आर्थिक संकटतर्फ धकेलिएको दाबी गरे । व्यापार घाटा बढ्दै जानु, बैदेशिक लगानी भित्रन नसक्नु तथा स्वदेशमा उद्यमशीलताको विकास हुन नसक्नुले मुलुक आर्थिक संकटतर्फ उन्मुख भएको उनले बताए ।