रेडियोसँग सहकार्य गर्न प्रस्ताव

आदर्श समाज संवाददाता
फागुन १०, २०७५
acorab photo


पोखरा, १० फागुन| गण्डकी प्रदेशका रेडियोकर्मीले प्रदेश सरकारका कार्य सञ्चालनमा रेडियोसँग सहकार्यको प्रस्ताव गरेका छन् ।

सामुदायिक रेडियो प्रसारक संघमा आवद्ध रेडियोकर्मीहरुले शुक्रवार मुख्यमन्त्री पृथ्वीसुब्बा गुरुङलाई भेटी सामुदायिक रेडियो पनि समाजकै लागि क्रियाशिल भएकाले सरकार र रेडियोबीच सहकार्य गरी सरकारका कार्यक्रमहरु सफल बनाउन सकिने सुझाव दिए ।

संघका महासचिव गोविन्द देवकोटाले प्रदेश सरकारले नीति तथा कार्यक्रममा सामुदायिक रेडियोलाई प्राथमिकता दिनुपर्ने माग गरे । उनले सामुदायिक रेडियोमैत्री नीति बनाउन पनि सरकारलाई सुझाव दिए ।

अकोराबका लेखा संयोजक भूमि चापागाइंले सामुदायिक रेडियो नाफारहित रुपमा सञ्चालन भएकाले सरकारले आफै सञ्चारमाध्यम स्थापना गर्ने भन्दा रेडियोलाई उपयोग गरेर काम गरे सहज हुने सुझाव दिए ।

अकोराबका गण्डकी प्रदेश कोषाध्यक्ष पवन पौडेलले रेडियोको पहुँच धेरै भएकाले सरकारले आफ्ना कुराहरु नागरिकसमक्ष पु¥याउनका लागि रेडियोसँग सहकार्यको प्रस्ताव गरे । सरकारका काम तथा नागरिकका गुनासा संकलन गर्ने माध्यमका रुपमा रेडियोले सहयोगी भूमिका खेल्नसक्ने उनले बताए ।

प्रत्युत्तरमा मुख्यमन्त्री गुरुङले अब बन्न लागेको प्रदेशको सञ्चार नीतिमा रेडियोका प्रतिनिधिलाई छलफलमा बोलाउने बताए । उनले रेडियोमार्फत नागरिकसमक्ष पुग्ने विषयमा सकारात्मक रहेको बताए ।

भेटमा अकोराबका केन्द्रीय सदस्य सरोज पौडेल, प्रदेश उपाध्यक्ष ओमकार आचार्यलगायतका रेडियोकर्मीहरु सहभागी थिए । रेडियोकर्मीहरुले सामुदायिक रेडियोलाई विपद्सँग जुध्नका लागि विपद् व्यवथापन कोष लगायतको व्यवस्था गर्न माग पनि गरेका छन् ।

Related News

सम्बन्धित समाचार

  • पोखरालाई विश्वसँग जोड्दै विमानस्थल   

    आदर्श समाज सम्वाददाता मंसिर १३, २०७९
    काठमाडौं ।  पर्यटकीय नगरी पोखरा (कास्की)मा पोखरा क्षेत्रीय अन्तर्राष्ट्रिय विमानस्थल सञ्चालन हुने भएपछि मुलुकको पर्यटन क्षेत्रमा आयाम थपिने पर्यटन व्यवसायीहरुले…
  • सरकार बनाउन शीर्ष नेताबीच छलफल

    रासस मंसिर १३, २०७९
    काठमाडौं । प्रतिनिधिसभा र प्रदेशसभा सदस्य निर्वाचनको मतपरिणाम आउने क्रम अन्तिम चरणमा पुगेका बेला पाँचदलीय सत्ता गठबन्धनका शीर्ष नेताबीच भेटवार्ता…
  • विद्यालय जाँदा आउँदा दैनिक ६ घण्टा

    रासस मंसिर १२, २०७९
    बझाङ । दोगडाकेदार गाउँपालिका–१ बैतडीका प्रकाश विष्ट भर्खर किशोरावस्थामा प्रवेश गर्नुभयो । गोरङ घर भएका उहाँलाई विद्यालय जान ‘निल्नु न…
  • चुनावी परिणाम : मुलुक अस्थिरतामा धकेलिने चिन्ता

    आदर्श समाज सम्वाददाता मंसिर १२, २०७९
    पोखरा । प्रतिनिधि सभा तथा प्रदेश सभाको हालै सम्पन्न निर्वाचनको परिणामले दलहरु सम्भावित सत्ताको खेलमा लाग्दा मुलुक अस्थिरतामा धकेलिन सक्ने…
  • संसदमा स्वतन्त्रको निरन्तरता

    रासस मंसिर ११, २०७९
    काठमाडौं । मुलुकका प्रमुख राजनीतिक शक्ति निर्वाचनको परिणाम आफ्नो पक्षमा ल्याउन गठबन्धन गरे तापनि केही निर्वाचन क्षेत्रमा गठबन्धनलाई पछि पार्दै…

hero news full width