दुर्घटनामा परेका प्रदेशसभा सदस्य ओलीको निधन

rss रासस
फागुन १०, २०७५


रुपन्देही, १० फागुन । प्रदेश नं ५ का प्रदेशसभा सदस्य उत्तरकुमार ओलीको निधन भएको छ । सडक दुर्घटनामा परी घाइते उनको विहीवार राति निधन भएको प्रदेशसभा सचिवालय सचिव दुर्लभकुमार पुनले जानकारी दिए ।

गत माघ २४ गते प्रदेशसभा बैठक सकेर घर फर्किँदा ओली दाङमा दुर्घटनामा परी घाइते भएका थिए । टाउकोमा गम्भीर चोट लागेर अचेत अवस्थाका ओलीको १६ दिन पछि काठमाडौँको मेडिसिटी अस्पतालमा उपचारकै क्रममा मृत्यु भएको हो ।

नेकपा प्रदेश कार्यालय सचिव बलराम अधिकारीका अनुसार प्रदेशसभा सदस्य ओलीको निधनमा प्रदेशसभाको १९ गते बस्ने बैठकमा शोक प्रस्ताव पारित गर्ने बताइएको छ । ओली पूर्व नेकपा एमालेबाट दाङको क्षेत्र नं ३ को ख बाट प्रदेशसभाका लागि सांसद बनेका थिए । दङ्गीशरण गाउँपालिका–६ लेटार निवासी ओलीका श्रीमती, दुई छोरा छन् ।

तपाइको विचार व्यक्त गर्नुहोस्

हाम्रो सुझाव

प्रमुख समाचार

विस्फोटमा पर्दा श्रीलंकामा १३७ को मृत्यु