रोयल सदस्यलाई ५ लाखको बीमा राहत प्रदान

adarsha samaj आदर्श समाज संवाददाता
फागुन ७, २०७५
Insurance


पोखरा, ७ फागुन । पोखरा रोयल सहकारी संस्थाले पोखरा महानगरपालिका—१३ निवासी शेयर सदस्य स्व.असगर मियाँकी धर्मपत्नी जोहमनमीसा मियाँलाई एक कार्यक्रमका बीच जीवन बीमा वापतको .५ लाख २५ हजार राहत रकम हस्तान्तरण गरेको छ ।

शेयर सदस्य असगर मियाले संस्थाको वित्तीय सेवा लिने क्रममा २०७५ आश्विन ९ गते सहकारी मार्फत नेशनल लाईफ ईन्स्योरेनस कम्पनी पोखरा शाखामा .५ लाख बराबरको लघु अमृत म्यादी बीमा गरेका थिए । मियाँको बीमा गरेको एक महिनाको अवधिमा नै (२०७५ कात्र्तिक १० गते) आफ्नै निवासमा असामयिक निधन भएको हो ।

बीमा वापतको राहत रकम संस्थाका अध्यक्ष मेजर तुलसीप्रसाद गुरुङ्ग र नेशनल लाईफ ईन्स्योरेन्स कम्पनी गण्डकी प्रदेश कार्यालयका प्रमुख केशवराज ढकालले संयुक्त रुपमा स्व.असगर मियाँका धर्मपत्नीलाई प्रदान गरेको थियो । रकम हस्तान्तरण कार्यक्रममा संस्थाका सचिव एवं नेपाल बचत तथा ऋण केन्दी्रय सहकारी संघका संचालक भीम गुरुङ्गले सहकारीले संस्थाको वित्तीय सुरक्षाको साथ साथै सदस्यहरुको जीवन सुरक्षाको लागि विभिन्न बीमा कम्पनीहरुसंग सहकार्य गरिरहेको बताए ।

Related News

सम्बन्धित समाचार

    hero news full width

    sanil ads

    wordlink ads