बास्केटबलको उपाधि ठमेल यूनाइटेडलाई

आदर्श समाज सम्वाददाता
फागुन ६, २०७५

पोखरा, ५ फागुन। कास्की जिल्ला बास्केटबल संघद्धारा आयोजित “तेश्रो कुँवर व्रर्दश एण्ड सन्स् राष्ट्रिय भेट्रान्स बास्केटबल प्रतियोगिता २०७५” को उपाधि काठमाण्डौको ठमेल यूनाइटेडले हात पारेको छ। पोखरामा आइतवार सम्पन्न फाइनल खेलमा काठमाण्डौको ठमेल यूनाइटेडले आयोजक कास्की जिल्ला बास्केटबल संघलाई ६४–४८ को स्कोरले पराजित गर्दै उपाधि हासिल गरेको हो। उपाधिसंगै ठमेल यूनाइटेडले नगद ५५ हजार ५ सय ५५ रुपैयाँ र ट्रफी, मेडल र प्रमाणपत्र प्राप्त गरेको छ।

उपबिजेता कास्की जिल्ला बास्केटबल संघले ३३ हजार ३ सय ३३ रुपैयाँ नगद, ट्रफी, मेडल र प्रमाणपत्र प्राप्त गरेको छ।

प्रतियोगितामा कास्की भलिबल संघका खेलाडी रबीन शाही उत्कृष्ट खेलाडी घोषित भए भने ठमेल युनाइटेडका कर्मा गुरुङले सर्वाधिक स्कोरर घोषित हुँदै ट्रफी प्राप्त गरेका छन।

नेपाल प्रहरी प्रधान कार्यालय नक्सालका एसएसपी नरोत्तमलाल प्रधान, नेपाल बास्केटबल संघका उपाध्यक्ष जुम प्रसाद गुरुङ, क्षेत्रीय भलिबल संघका संस्थापक अध्यक्ष श्रीभक्त गुरुङ, जिल्ला प्रहरी कार्यालय कास्कीका डिएसपी गोविन्द पुरी, सोशल पव्लिकका संस्थापक खिम गुरुङ लगाएतले बिजेता टिम तथा खेलाडीलाई ट्रफी, मेडल तथा प्रमाणपत्र वितरण गरेका थिए।

समापन कार्यक्रममा नेपाल बास्केटबल संघका पूर्व उपाध्यक्ष एवम नेपाल सेभेन ए साइडका अध्यक्ष नवीन पुनलाई सम्मान गरिएको थियो। कास्की जिल्ला बास्केटबल संघका अध्यक्ष ध्वज कुमार गुरुङको अध्यक्षतामा उक्त समापन कार्यक्रम भएको हो।

सम्बन्धित समाचार

मनिपाल घटनापछि प्रदेशभर ओपिडी सेवा ठप्प

आदर्श समाज सम्वाददाता असाेज १०, २०८०

पोखरा । लमजुङको सुन्दरबजार नगरपालिका ६ की ५७ वर्षीय सुकमाया दुराको मनिपाल शिक्षण अस्पतालमा सोमबार उपचारक्रममा मृत्यु भयो । श्वासप्रश्वास…
१९ औं एसियाली खेलकुद : २२८ पदकको छिनोफानो, नेपाल पदकविहीन

आदर्श समाज सम्वाददाता असाेज १०, २०८०

हाङझाउ (चीन) । १९ औं एसियाली खेलकुद, २०२२ अन्तर्गत सोमबारसम्म २ सय २८ पदकको छिनोफानो भएको छ । एसियाली खेलकुदमा…
तिब्बती शरणार्थीसँग त्रसित चीन

प्रकाश ढकाल असाेज ९, २०८०

पोखरा । सन् १९५९ मा तिब्बतबाट भागेका खम्पा विद्रोहीहरुसँग चीन अहिले पनि त्रसित छ । उनीहरु नेपालका विभिन्न ठाउँमा शिविर…
तनहुँमा डेंगु संक्रमणबाट ३ जनाको मृत्यु

आदर्श समाज सम्वाददाता असाेज ९, २०८०

दमौली । डेंगु संक्रमणबाट तनहुँमा यस वर्ष ३ जनाको मृत्यु भएको छ । मृत्यु हुने तीनै जना व्यास नगरपालिकाका विभिन्न…
पोखरामा खटिए नयाँ नगर प्रहरी

आदर्श समाज सम्वाददाता असाेज ८, २०८०

पोखरा । पोखरा महानगरपालिकामा नयाँ भर्ना भएका नगर प्रहरी सोमबारदेखि कार्यक्षेत्र प्रवेश गरेका छन् । महानगरले ४८ जना नगर प्रहरीहरु…