पोखरा, ५ फागुन। गरिमा विकास बैंकले आईतबार चितवनको टाडी र कञ्चनपुरको महेन्द्रनगर शाखा कार्यालयको औपचारिक उद्घाटन गरिएको छ।

टाडी शाखा कार्यालयको उद्घाटन रत्ननगर नगरपालिकाका नगर प्रमुख नारायण वन र महेन्द्रनगर शाखा कार्यालयको उद्घाटन भीमदत्त नगरपालिकाकी उपप्रमुख सुुशीलाचन्द सिंहले गरेका थिए।  बैंकले आईतबारबाट चितनवको टाडी र कञ्चनपुरको महेन्द्रनगर संगसंगै नुवकोटको बट्टार, लमजुङको बेसीशहर, बाँकेको चप्परगढी, र सुर्खेतको बीरेन्द्रनगरमा समेत नयाँ शाखा कार्यालयहरु सञ्चालनमा ल्याएको प्रमुख कार्यकारी अधिकृत गोविन्द ढकालले बताए ।

काठमाण्डौंको लाजिम्पाटमा केन्द्रीय कार्यालय रहेको यस विकास बैंकको हाल देशभर ७२ शाखा कार्यालय सञ्चालनमा रहेका छन भने विकास बैंकले निकट भविष्यमा चितवनको मिलनचोक, कास्कीको हेम्जा पर्साको बीरगञ्ज र दा·को तुल्सीपुरमा समेत शाखा कार्यालय खोल्ने तयारी रहेको बैकका प्रमुख कार्यकारी अधिकृत गोविन्द ढकालले बताए।