पोखरा म्याराथनमा ५ हजार जना दौडने

रासस
फागुन ५, २०७५
marathon_Fotor

पोखरा, ४ फागुन । १३ औं सफल अन्तराष्ट्रिय पोखरा म्याराथनमा ५ हजार धावकले भाग लिने भएका छन् । पोखरामा शनिबार आयोजित पत्रकार सम्मेलनमा भूतपूर्व खेलाडी मञ्च अध्यक्ष तेज गुरुङले सो जानकारी दिएका हुन् ।

पोखरा रंगशालाबाट फागुन ७ गते बिहान ६:३० बजे शुरु हुने प्रतियोगितामा गिनिज वुक्स अफ वल्र्ड रेकर्डमा नाम लेखाउन सफल सगरमाथा आरोही तेञ्जिङ नोर्गे र अन्तराष्ट्रिय धावक ले.कुशाङ गुरुङको उपस्थिथति रहने अध्यक्ष गुरुङले जानकारी दिए ।

त्यसैगरी नायिका तथा सगरमाथा आरोही रोजिता वुद्धाचार्य, सगरमाथा आरोही देउराली चाम्लिङ, पत्रकार अखण्ड भण्डारी, भलिबल खेलाडी मञ्जु गुरुङ, बोष्टनका याम पौडेल, पोखरेली मञ्च यूकेका अध्यक्ष मानप्रसाद गुरुङ लगायत सहभागिता जनाउन पोखरा आइसकेका छन् ।

प्रतियोगितामा गण्डकी प्रदेशका मुख्यमन्त्री प्रमुख संरक्षक र महानगरपालिकाका मेयर मानबहादुर जिसी संरक्षक छन् ।

प्रतियोगिता सफल पार्न देश विदेशबाट सहयोग आएको छ । पोखरेली मञ्च युकेबाट ७ लाख ५० हजारको चेक पोखरेली मञ्चबाट अध्यक्ष मानप्रसाद गुरुङले अध्यक्ष तेज गुरुङलाई हस्तान्तरण गरे ।

अमेरिकामा बस्ने नेपालीहरुले संकलन गरेको ३ लाख रुपैयाँ सहयोग रकम याम पौडेलले  हस्तान्तरण गरे । यस्तै हङकङबासी नेपालीहरुबाट ५ लाख ४७ हजार सहयोग प्राप्त भएको अध्यक्ष गुरुङले जानकारी दिए ।

महानगरका प्रवक्ता धनबहादुर नेपालीले २५ हजार प्रदान गर्ने घोषणा गरे ।

पोखरेली मञ्च यूकेका अध्यक्ष मानप्रसाद गुरुङले पोखरा म्याराथनमा सहभागिता जनाउन पाउनु सबैको गौरवको विषय भएको बताए । प्रतियोगिताको अवसरमा हालसम्म २८ लाख रुपैयाँ स्वदेश तथा विदेशबाट संकलन भएको र २३ लाख खर्च लाग्ने आयोजकले जनायो ।

गण्डकी प्रदेश सरकारले प्रतियोगिता सफल पार्न २ लाख रुपैयाँ आर्थिक सहयोग गरेको छ ।

म्याराथनमा विभिन्न प्रबुद्ध व्यक्तिको समेत सहभागिता हुने जनाइएको छ ।

पोखरा म्याराथनलाई हिमालय टिभी एचडीले प्रत्यक्ष प्रशारण गर्ने मञ्च प्रथम उपाध्यक्ष हरिप्रसाद पराजुली जानकारी दिएका छन्।

मञ्च संस्थापक अध्यक्ष खड्गबहादुर रानाभाटले पोखरा म्याराथनका लागि विशेष रुपमा आफ्नो तयारी गरी यूके, हङकङ, वोष्टन लगायत अन्य मुलुकबाट सहभागिताका लागि आउने क्रम जारी रहेको जानकारी दिए।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width