अख्तियार आयुक्त राजनारायणले दिए पदवाट राजीनामा

एजेन्सी
फागुन ३, २०७५
p 3


पोखरा, ३ फागुन । घुस काण्डमा मुछिएका अख्तियार दुरुपयोग अनुसन्धान आयोगका आयुक्त राजनारायण पाठकले राजीनामा दिएका छन्। उनले शुक्रवार राष्ट्रपति समक्ष आफ्नो राजीनामा बुझाएका हुन् ।

केही समय अघि राजीनामा बोकेर उनी आफैँ राष्ट्रपति कार्यालय शीतल निवास पुगेका थिए। उनको राजीनामा दर्ता नं. ११४७ रहेको राष्ट्रपति कार्यालय स्रोतले बतायो।

पाठकाविरुद्ध सत्तारुढ नेकपाले संसदमा महाअभियोगको प्रस्ताव दर्ता गर्ने तयारी गरेको थियो। पछिल्लो घटनाक्रम बुझेका पाठकले हतारहतार राष्ट्रपति कार्यालय गएर राजीनामा दिएका हुन्।

पाठक भक्तपुरको चांगुनारायणस्थित नेपाल इन्जिनियरिङ कलेजका सञ्चालकसँग घूस लिएको भिडियो रेकर्ड प्रकरण सार्वजनिक भएपछि विवादमा आएका थिए।

Related News

सम्बन्धित समाचार

hero news full width