दुई करोड ७६ ठगी गरेको आरोपमा शिवाकोटी पक्राउ

आदर्श समाज संवाददाता
फागुन २, २०७५
-Shiwakoti-Chintan


पोखरा, २ फागुन । महानगरीय प्रहरी परिसर काठमाडौंले पृथ्वीनारायण (पिएन) क्याम्पस पोखराका सहप्रध्यापक डा. गोपाल शिवकोटी (चिन्तन)लाई पक्राउ गरेको छ ।

दुई करोड ७६ लाख रुपैयाँ भन्दा बढी ठगी गरेको पाइएपछि उनलाई पक्राउ गरिएको प्रहरीले जनाएको छ ।सहप्राध्यापक शिवाकोटी लगायतका व्यक्तिले कानून विश्वविद्यालय खोल्ने भन्दै दुई करोड ७६ लाख ठगी गरेको थिए । उनलाई प्रहरीले मंगलबार कीर्तिपुरबाट पक्राउ गरेको हो ।

शिवाकोटीसँगै नुवाकोटका बद्रीकुमार थापा पनि पक्राउ परेका छन् । उनलाई बाँनियाटारबाट पक्राउ गरिएको हो । उनीहरु मिलेर ६० जना भन्दा बढी व्यक्तिलाई ठगी गरेको पाइएको महानगरीय प्रहरी परिसर काठमाडौंका एसएसपी वसन्त लामाले जानकारी दिए ।

शिवाकोटीको समूहले ‘मञ्जुश्री एजुकेसन एकेडेमी प्रालिको नाममा कानुन विश्वविद्यालय स्थापना गर्ने भन्दै ठगी गरेको प्रहरीले जनाएको छ । शिवाकोटीले नेपाल ल क्याम्पसमा समेत प्राध्यापन गराएका थिए । उनले कानुनमै अमेरिकाबाट पिएचडी समेत गरेका थिए । गेसोले वेलायतमा समान पेन्सन लगायतको बिषयमा दायर गरेको मुद्दामा समेत उनले हेदै आएका थिए ।

Related News

सम्बन्धित समाचार

hero news full width