वाणिज्य संघको नयाँ प्रविधिबारे तालिम

आदर्श समाज सम्वाददाता
फागुन २, २०७५
pcc_Fotor

पोखरा, १ फागुन। पोखरा उद्योग वाणिज्य संघले आफ्नो ६५औँ वार्षिकोत्सव अवसरमा आयोजना गरेको व्यवसाय व्यवस्थापन विषयक तालिम बुधबार सम्पन्न भएको छ।

पाँच दिनसम्म चलेको तालिममा पोखराका विभिन्न व्यवसायिक संस्थाका १६ जना प्रशिक्षार्थीको सहभागिता रहेको थियो। तालिम व्यवसाय विस्तार, व्यवसाय र बजारीकरणमा नयाँ प्रविधी तथा सीपको प्रयोगमा केन्द्रित थियो।

समापनमा सहभागीलाई प्रमाणपत्र वितरण गर्दै कार्यक्रम तथा संघका कार्यवाहक अध्यक्ष नारायण कोइरालाले तालिमलाई व्यवसाय बिस्तारमा लगाउन आग्रह गरे।

‘सामान उही भए पनि त्यसलाई तलमाथि गरेर सजावट परिवर्तन गर्दा ग्राहक आकर्षित हुन्छन्,’ संघका कावा अध्यक्ष कोइरालाले भने।

संघ महासचिव अर्जुन पोखरेलको संचालन रहेको समापन कार्यक्रममा कोषाध्यक्ष सुरेन्द्रमान बिजुक्छे र प्रशिक्षक रामप्रसाद त्रिपाठीले पनि सहभागीहरुलाई प्रमाणपत्र वितरण गरेका थिए।

औद्योगिक व्यवसाय विकास प्रतिष्ठान पोखराका प्रमुख समेत रहेका तालिम प्रशिक्षक रामप्रसाद तिवारीले सिकेका कुरा व्यवहारमा उतार्न आग्रह गरे।

संघ कोषाध्यक्ष तथा तालिम व्यवस्थापन उपसमिति संयोजक चिनु गुरुङले आउँदा दिनहरुमा पनि यस्ता तालिम आयोजना गरिने बताइन्।

कार्यक्रममा प्रशिक्षार्थी उमा लामिछाने र जगदीश लामिछानेले आफूहरुलाई लेखालगायतका थप तालिमको व्यवस्था गर्न आग्रह गरे।

Related News

सम्बन्धित समाचार

  • विद्यालयलाई फर्निचर सहयोग

    आदर्श समाज सम्वाददाता असार १६, २०७९
    पोखरा । साना किसान विकास लघुवित्त वित्तीय संस्था लि. इलाका कार्यालय पोखरा र ग्रामीण स्वाबलम्बन साना किसान कृषि सहकारी, अर्जुनचौपारीको…
  • बजेटमा नबुझी माइस पर्यटन

    आदर्श समाज सम्वाददाता असार १२, २०७९
    पोखरा । विगत केही वर्षदेखि पोखरालाई पर्यटकीय राजधानी घोषणा गर्न माग उठिरहेको छ । तर यहाँ अझै पनि हजारौं पर्यटक…
  • पोखरा महानगरको बजेट ८ अर्ब ७७ करोड ७५ लाख

    विजय नेपाल असार १०, २०७९
    पोखरा, १० असार । पोखरा महानगरपालिकाले आगामी आर्थिक वर्ष २०७९/८० का लागि झण्डै ९ अर्बको बजेट प्रस्तुत गरेको छ ।…
  • पुतलीबजारको बजेट झण्डै १ अर्ब

    आदर्श समाज सम्वाददाता असार ९, २०७९
    स्याङ्जा। पुतलीबजार नगरपालिकाले आगामी आर्थिक वर्ष २०७९÷०८० को लागि ९० करोड ६४ लाख ८८ हजार बराबरको बजेट प्रस्तुत गरेको छ ।…
  • बजेटमा निजी क्षेत्रको असन्तुष्टी

    आदर्श समाज सम्वाददाता असार ५, २०७९
    पोखरा । गण्डकी प्रदेशका पूर्व अर्थमन्त्री किरण गुरुङले प्रदेशको बजेट अधिकांश पुरानै कार्यक्रम ल्याएको र बजेटले प्राथमिकता छुट्याउन नसकेको टिप्पणी…

hero news full width