एक बर्षभित्र देशभरमा २७ कैदीको मृत्यु

रासस
माघ २९, २०७५
karagar photo

  •  मृत्यु हुनेमध्ये सबैभन्दा धेरै केन्द्रीय कारागार
  •  अधिकांश कैदीको बुढ्यौलीका कारण मृत्यु
  • रुघा, खोकी, दम, ज्वरो, टाइफाइडका कारण

काठमाडौँ, २९ माघ । चालू आर्थिक वर्ष २०७५/७६ को हालसम्ममा मुलुकभरका कारागारमा २७ कैदीको मृत्यु भएको छ । विभिन्न रोगका कारण ती कैदीको मृत्यु भएको हो । मृत्यु हुनेमध्ये सबैभन्दा धेरै केन्द्रीय कारागार जगन्नाथदेवलका कैदी रहेका छन् ।

कारागार व्यवस्थापन विभागका महानिर्देशक हरिप्रसाद मैनालीले अधिकांश कैदीको बुढ्यौलीका कारण मृत्यु भएको बताए । रुघा, खोकी, दम, ज्वरो, टाइफाइड तथा विभिन्न सरुवा रोगका कारण कैदीको मृत्यु भएको हो, उनले भने ।

सरकारले कैदीको उपचारका लागि केन्द्रीय कारागारभित्र ३० श्ययाको अस्पतालसमेत निर्माण गरेर सेवा दिइरहेको छ । कारागार अस्पतालमा उपचार हुन नसकेका बिरामीलाई रोगको प्रकृति हेरेर वीर अस्पताल, त्रिभुवन शिक्षण अस्पताल, मानसिक अस्पताल र गङ्गालाल अस्पतालमा पठाउने गरिएको कारागार अस्पतालका निमित्त सुपरिटेन्डेण्ट डा भगतलाल श्रेष्ठले जानकारी दिए ।

हाल देशभर झण्डै २१ हजार कैदी छन् । करीब तीन हजार कैदी केन्द्रीय कारागारमा छन् । कारागार अस्पतालमा चालू आर्थिक वर्षमा मात्रै झण्डै पाँच हजार नयाँ तथा पुराना कैदीको उपचार गरिएको छ । आव २०७४÷७५ मा ३२ हजार नयाँ तथा पुराना कैदीको सो अस्पतालमा उपचार गरिएको थियो । मुलुकभर हाल ७२ जिल्लामा ७४ कारागार छन् । चौबीसै घण्टा कैदीको स्वास्थ्यसम्बन्धी सेवा दिँदै आएको कारागार अस्पतालले केन्द्रीय कारागारका बिरामीबाहेक देशभरका बिरामीको रोगको प्रकृति हेरेर उपचार गर्दै आएको छ ।

Related News

सम्बन्धित समाचार

    • पाल्पाली समाजमा रेशम थापा रचक

      Avatar आदर्श समाज सम्वाददाता फागुन २३, २०७७
      पोखरा। गण्डकी प्रदेशका आन्तरिक मामिला तथा कानुन मन्त्री हरिबहादुर चुमानले विगतमा शक्तिशाली पाल्पा अहिले कमजोर बन्दै गएको बताएका छन् ।…
    • वाराहीमा पूर्व विद्यार्थी मञ्च गठन

      Avatar आदर्श समाज सम्वाददाता फागुन २३, २०७७
      पोखरा । पोखरा–५, मालेपाटनस्थित वाराही माविमा आइतबार पूर्व विद्यार्थी मञ्च तदर्थ समिति गठन भएको छ । समिति संयोजकमा शिवराज बराल र…
    • आँधीखोलामा दलित जागरण अभियान

      Avatar आदर्श समाज सम्वाददाता फागुन २३, २०७७
      पोखरा । नेपाल दलित संघ जिल्ला कार्यसमिति स्याङ्जाको आयोजनामा आँधीखोला गाउँपालिका–५ कृषिमा दलित समुदायको ‘जिल्लास्तरीय क्षमता विकास एवं जागरण अभियान’…
    • संसद् बैठकमा सभामुखको लिखित मन्तव्य

      रासस फागुन २३, २०७७
      काठमाडौँ, २३ फागुन । सभामुख अग्निप्रसाद सापकोटाले सर्वोच्च अदालतको ऐतिहासिक फैसलाबाट पुनःक्रियाशिल भएको प्रतिनिधिसभाको सातौँ अधिवेशनको पहिलो बैठकमा सांसदहरूलाई स्वागत…
    • यसरी शुरु हुँदै छ संसद

      रासस फागुन २२, २०७७
      काठमाडौँ । सरकारको नेतृत्व गरिरहेको नेपाल कम्युनिष्ट पार्टीभित्रको विवाद उत्कर्षमा पुगिरहेको बेला प्रतिनिधिसभाका सातौँ अधिवेशन भोलि आइतबारदेखि शुुरुआत हुुँदैछ ।…

    hero news full width

    sanil ads

    wordlink ads