लमजुङ, २७ माघ । हिमपात भई सडक र पैदल यात्राको बाटोमा समेत हिउँ जम्न गएका कारणले मनाङमा तीन सातादेखि ढुवानी ठप्प भएको छ ।
मनाङमा तीन सातादेखि हिउँ पन्छाउन नसक्दा स्थानीयको जनजीवन कष्टकर बनेको छ । हिमपातले खसालेको ढुंगा, ढालेको रूख पन्छाउन नसक्दा मनाङमा खाद्यान्न आपूर्ति तीन सातादेखि ठप्प भएको मनाङका प्रमुख जिल्ला अधिकारी रुद्रनाथ देवकोटाले बताए ।
उनका अनुसार तिमाङ र थान्चोकबीचको स्याक्र्यु खोला नजिकै हिमपातले ठूलो ढुंगा पल्टाएर बाटो अवरुद्ध भएको छ ।
तीन सातादेखि निरन्तर हिउँ पर्न थालेको मनाङमा त्यस समय यता सवारी आवागमन ठप्प भएको प्रजिअ देवकोटाले बताए । उनका अनुसार सडक डिभिजन कार्यालय दमौलीबाट आएका इन्जिनियर तत्काल सडकमा रहेको हिउ हटाउन नसक्ने भन्दै फर्किएर गए । तर पनि सडक कार्यालय दमौलीको सहयोगमा स्याक्र्यु खोलाको ढुङ्गा फुटाएर पहिरो हटाउने तयारी गरिएको प्रजिअको भनाई छ ।
हिमपात हटाउन सेना, नेपाल प्रहरी, सशस्त्र प्रहरी परिचालन गरिएपनि पुन बुधबारदेखि वर्षा सँगै भएको हिमपातले मनाङको जनजीवन कष्टकर बनेको छ । चामेदेखि तिमाङसम्मको सडक पुरै हिउँले ढाकेको मनाङस्थित सशस्त्र प्रहरीको ३२ नम्बर गुल्मका गुल्मपति नीलकमल आचार्यले बताए । उनका अनुसार सवारीसाधन तत्काल गुड्न सक्ने अवस्था छैन, गाडी नचल्दा मनाङ ङिस्याङ, चामे सहितका गाउँपालिकाका बासिन्दाले सास्ती खेप्नुपरेको छ । बेसीशहर मनाङ सडक खण्डमा सवारी चलाउने सवारी चालक जीतु तमाङले बाटोभरी हिउँ नै हिउँ भएकाले गन्तव्यमा पुग्न कठिन भएको बताए । उनका अनुसार मानिस हिँड्नै गाह्रो छ, कसरी सामान ल्याउने ? गत बुधबार साँझदेखि वर्षासँगै भएको हिमपातले मनाङमा ५ फिटसम्म हिउँ जमेको छ भने तापक्रम माइनस २० डिग्रीसम्म पुगेको छ ।
धारामा पानी जमेकाले बस्तु चौपायलाई खुवाउन समस्या भएको छ । हिमपातबाट अप्रीय घटना नभए पनि विपद् आउन सक्ने सम्भावनालाई मध्यनजर राखेर सुरक्षा सतर्कता अपनाइएको मनाङका प्रहरी नायव उपरीक्षक खड्कबहादुर खत्रीले बताए । उनका अनुसार अनुसार हिउँले बाटो रोकियो । अहिलेसम्म खुलेको छैन । बजारमा खाद्यान्नको अभाव हुने अवस्था देखिन थालेको छ । तिमाङबाट यता गाडी आएको छैन ।
Related News
सम्बन्धित समाचार
फेवातालको क्षेत्रफल ११२५५ रोपनी
ग्रामीण क्षेत्रमा सडक कालोपत्रे
नेपाल–भारत मैत्री संघको साधारण सभा
सुत्केरीलाई तेल, कुखरा र न्यानो कपडा
पुरोहितले अब उमेर हेरेर मात्र विवाह गराउने
hero news full width
मुख्य समाचार
मापसे चेकिङ गर्न ट्राफिकलाई कोरोनाको त्रास
बिरामी बाेकेकाे जिप दुर्घटना हुँदा १ को मृत्यु, ४ घाइते
फागुन १४, २०७७कांग्रेस पदाधिकारी बैठकको निष्कर्ष : नेकपा फुटेको छैन, हतारमा निर्णय नगरौँ
फागुन १३, २०७७पोखराको फुटपाथ र पार्किङ व्यवस्थापन गर्न पाेउवा संघले बुझायो ज्ञापनपत्र
फागुन १३, २०७७नेपाली खानालाई विश्वभर पस्किँदैछुः सन्तोष साह
फागुन १३, २०७७काठमाडौंमा राजनीतिक हावाहुरी, पाेखरामा भने सुनसान
फागुन १३, २०७७