एनसेलसँगको बक्यौता रकम उठाउन अर्थ समितिको निर्देशन

Avatar एजेन्सी
माघ २८, २०७५

काठमाण्डौं, २७  माघ । एनसेलसँगको बक्यौता  रकम उठाउन प्रक्रिया थाल्न अर्थ समितिले अर्थ मन्त्रालयलाई  निर्देशन दिएको छ ।

अर्थ समितिको आइतवार बसेको बैठकले एनसेलसँगको उक्त बक्यौता  रकम उठाउन निर्देशन दिएको हो । अर्थ मन्त्रालयको अनुसार एनसेलसँग आवद्ध कम्पनीको बक्यौता ७२ अर्ब ५८ करोड रुपैयाँ  छ।

अर्थ समितिमा मन्त्रालयले पेस गरेको सूचना अनुसार पुँजीगत लाभकर र गैरकर, आय कर, भ्याटबापत एनसेलले सरकारलाई ७२ अर्ब ५८ करोड तिर्न बाँकी देखिएको हो। त्यस्तै अन्य दूरसञ्चार कम्पनीहरुको बक्यौता रकम ४ करोड रुपैयाँ रहेको मन्त्रालयलेउल्लेख गरेको छ । समितिको बैठकले एनसेलको बक्यौता रकम उठाउने प्रक्रिया तत्काल थाल्न अर्थ मन्त्रालय लगायतका सम्बन्धित निकायलाई निर्देशन जारी गरेको छ। एक महिनाभित्र उक्त रकम उठाउन निर्देशन दिएको छ । बैठकमा अर्थमन्त्री युवराज खतिवडाले एनसेलको पूँजीगत लाभकर कति उठाउने भन्ने विषयमा सवोर्च्च अदालतको फैसलाको पूर्णपाठ हेर्नु पर्ने वताए ।

दायित्व कसलाई तोकेको हो त्यसलाई आधार मानेर अघि बढ्नु पर्छ’ मन्त्री खतिवडाले भने, पूर्णपाठ नहेरी अहिले नै पुँजीगत लाभकर उठाउने प्रक्रिया थालनी गर्न सकिँदैन । उनले एनसेलको खरिद बिक्रीमा कति लाभकर लाग्छ भन्ने आँकडा पनि अदालतले गरेको फैसलाको पूर्णपाठ आएपछि मात्र बताउन सक्ने वताए ।

अदालतले पूँजीगत लाभकर तिराउने फैसाला गरेको छ ।  कम्पनीलाई अदालतले कानुनी दायरामा ल्याएको छ। समितिले आजसम्म सरकारले एनसेलसम्बन्धी गरेको सबै निर्णय पठाउन अर्थ मन्त्रालयलाई निर्देशन गरेको छ ।

हाम्रो सुझाव

कामनाको बिरौटा शाखा संचालन

व्यवस्थापन सम्वन्धी अभिमुखिकरण सम्पन्न

पोखरा भाँडा व्यवसायी संघको शुभकामना

पाल्पाली समाजको सहकारी प्रशिक्षण

बाख्रा पालक किसानलाई तालिम

प्रमुख समाचार

केपी ओलीको भागमा २८ माधव नेपालको भागमा १६ जिल्ला अध्यक्ष सूची सहित