धर्मलाई अफिम मान्ने र धार्मिकसभा द्वैध चरित्र : थापा

आदर्श समाज सम्वाददाता
माघ २७, २०७५
kamal thapa_Fotor

स्याङ्जा, २६ माघ। राष्ट्रिय प्रजातन्त्र पार्टीका केन्द्रीय अध्यक्ष कमल थापाले धर्मलाई अफिम मान्ने तर विदेशीको निर्देशनमा ठूला धार्मिक सभा संचालन गर्ने द्वैध चरित्र बोकेका नेता एवं सरकार प्रमुख कारण मुलुक जर्जर अवस्थामा पुगेको टिप्पणी गरेका छन्।

राप्रपा स्याङ्जाद्वारा पुतलीबजारमा शनिबार आयोजित सर्वधर्म समभाव वैदिक सनातन धर्मसापेक्ष हिन्दू राष्ट्र कायम कामनार्थ विराट धर्मसभामा बोल्दै अध्यक्ष थापाले सो कुरा बताएका हुन् । उनले धर्मनिरपेक्षता, गणतन्त्र र संघीयताले मुलुकमा विदेशी चलखेलको प्रभाव तीव्र बढेको बताए । आयातित एजेण्डाका संवाहक कम्युनिष्ट भए पनि त्यसकापछि काँग्रेसले पनि साथ दिदा वषौंदेखि मानिआएको सनातन हिन्दू धर्मलाई नष्ट पार्ने काम भएको दाबी गरे।

पूर्व उपप्रधानमन्त्री समेत रहेका थापाले हिन्दू राष्ट्र पुनस्र्थापना र राष्ट्रिय अखण्डता कायम गर्नका लागि आफू र पार्टी प्रतिबद्ध रहेको जनाए।

कार्यक्रममा केदारेश्वर महादेवमणि सेवाश्रम समिति पोखराका पीठाधीश डा लेखनाथ आचार्य, राप्रपाका केन्द्रीय सदस्य तोरणबहादुर गुरुङ, पूर्व केन्द्रीय उपाध्यक्ष दिल विकास राजभण्डारी, धार्मिक संगठन विकास प्रमुख पुष्पराज पुरुष, चम्पा गिरी आश्रमका गोपालनन्द सरस्वती, राम्दीका पिठाधीश कौशिक गुरु, सचिव नेपाली काँग्रेस महासमिति सदस्य तुलसी गिरी, युवा संघ प्रदेश प्रमुख हिक्मतजंग कार्की लगायतले नेपालको पहिचान भनेकै सनातन हिन्दू राष्ट्र भएकोमा जोड दिँदै पहिचान कायमका लागि सबै नेपाली एक हुनुको विकल्प नरहेको बताए।

राप्रपा जिल्ला अध्यक्ष भूमिजंग केसीको अध्यक्षतामा सम्पन्न कार्यक्रममा पूर्व अध्यक्ष एवं केन्द्रीय सदस्य मदनबहादुर कार्कीले स्वागत र सचिव विश्वबन्धु पौडेलले संचालन गरेका थिए।

Related News

सम्बन्धित समाचार

  • स्थानीयका कर्मचारी पनि आन्दोलित

    आदर्श समाज सम्वाददाता असाेज ४, २०८०
    पोखरा । आफूहरूको माग सम्बोधन हुने गरी संघीय निजामती विधेयक ल्याउन दबाब दिँदै स्थानीय तहका कर्मचारीले पनि आन्दोलनको तयारी थालेका…
  • संविधानका ८ वर्ष : गण्डकीमा ६० ऐन पारित, ४२ क्षेत्रगत कानुन बनाउन बाँकी

    आदर्श समाज सम्वाददाता असाेज ३, २०८०
    पोखरा । संविधानको मर्म र भावनाअनुरुप जनताको विकास र समृद्धिको आकांक्षालाई पूरा गर्न संघीयताको व्यावहारिक कार्यान्वयन हुनुपर्नेमा जोड दिइएको छ…
  • कानुन कार्यान्वयनका लागि हो

    आदर्श समाज सम्वाददाता असाेज ३, २०८०
    विश्वले राम्रो भनेको संविधान हामीले नराम्रो कसरी भन्ने ? त्यति ठुलो युद्ध र आन्दोलनबाट निर्माण भएको संविधान जति खारिनुपर्ने हो,…
  • हाम्रो यात्रा विब्प्याँटो छ

    आदर्श समाज सम्वाददाता असाेज ३, २०८०
    मेरो दृष्टिकोणमा जुन संविधानलाई स्वीकार गरेर यहाँ आइपुग्यौं, अब रोकिएर सबैभन्दा पहिले नमिलेका कुरा मिलाउनुपर्छ । हामी विब्प्याँटो बाटोमा हिँडेका…
  • नियम बन्यो, नियत फेरिएन

    आदर्श समाज सम्वाददाता असाेज ३, २०८०
    संविधान एक पटक निर्माण गरेपछि सधैंका लागि तृप्त हुने कुरा होइन । आवश्यकता र परिवेश अनुसार संशोधन हुनुपर्ने हो ।…

hero news full width