नेविसंघका सात विद्यार्थी पक्राउ

Avatar आदर्श समाज सम्वाददाता
माघ २४, २०७५

पोखरा, २४ माघ । पोखराको मासवारमा एक हप्ता अघि सरकारी गाडी जलाएको आरोपमा हिरासतमा रहेका तीन विद्यार्थीको रिहाइको माग गर्दै विहीबार पोखरा महानगरपालिका घेराउ गर्न गएका सात विद्यार्थीलाई प्रहरीले पक्राउ गरेको छ ।

नेपाल विद्यार्थी संघका सात विद्याथीलाई प्रहरीले पक्राउ गरेको छ । पक्राउ परेका सात विद्यार्थीलाई कार्यालय समय सकिएपछि साँझ पाँच वजे छाडिने जिल्ला प्रहरी कार्यालय कास्कीका प्रहरी प्रवक्ता रवीन्द्रमान गुरुङले जानकरी दिए । विद्यार्थीले महानगरीय शिक्षा महाशाखाको काममा बाधा पु¥याएको आरोपमा ती विद्यार्थीलाई पक्राउ गरेको हो ।

पक्राउ पर्नेमा नेविसंघका केन्द्रीय सदस्य भानु ढकाल, शंकर घिमिरे, कमल पौडेल, लक्ष्मी पाण्डे, प्रकाश भट्टराई, सागर अधिकारी, उमा ठकुरी छन् ।

सार्वजनिक बिदाका दिन गाडी संचालन गरेको भन्दै माघ १९ गते महानगरीय शिक्षा महाशाखाको गाडी विद्यार्थीले जलाएका थिए । गाडी जलाएको आरोपमा पक्राउ परेका ५ विद्यार्थीमध्ये २ विद्यार्थी रिहा भने परशुराम बस्नेत, डिफान भुजेल र विनय पौडेलविरुद्ध प्रहरीले मुद्दा चलाएको छ ।

हाम्रो सुझाव

विद्यार्थीको वढाउन बस सेवा

जानकी आधारभूत माविमा परिणत

हेमजाको साहित्य सिर्जना प्रशिक्षण

प्रमुख समाचार

केपी ओलीको भागमा २८ माधव नेपालको भागमा १६ जिल्ला अध्यक्ष सूची सहित