सदरमुकामको बिषयलाई लिएर रुकुममा तनाव

एजेन्सी
माघ २३, २०७५

पोखरा, २३ माघ । रूकुम पूर्वको सदरमुकाम कहाँ रहने भन्ने वारेमा विगत तीन दिनदेखि जिल्ला तनावमय भएको छ ।
देश संघीय सीमांकनमा गएपछि साविक राप्तीको अति दुर्गम एउटा पहाडी जिल्ला रूकुम टुक्रिएर रूकुम पूर्व र रुकुम पश्चिम कायम गरिएको थियो ।

पछिल्लो समय रूकुम पश्चिम प्रदेश नं. ६ मा पारिएको छ भने रूकुम पूर्व प्रदेश नं. ५ अन्तर्गत राखिएको छ। रुकुम पूर्व अर्थात ५ नं. प्रदेश अन्तर्गतको एउटा जिल्लामा सदरमुकाम कहाँ रहने भन्ने विषयको विवादले तनाव सृजना हुदा स्थानीय प्रशासनले कफर््यू जारी गरेको छ ।

सदरमुकामको विषयलाई लिएर स्थानीयको बीचमा झडपको स्थिति उत्पन्न हुँदा त्यहाँ तीन दिनदेखि स्थानीय प्रसाशनले अनिश्चितकालिन कर्फ्यू लगाउँदै आएको छ। चारदिनदेखि लगाइएको कफर््यू कहिले हट्छ भन्ने अझैं निश्चित हुन सकेको छैन।

प्रमुख जिल्ला अधिकारी मित्रलाल शर्माले तनावपूर्ण स्थिति रहँदासम्म कर्फ्यू कायम रहने वताए । स्थायी सदरमुकाम गोल्खाडा कायम गर्ने सरकारी निर्णय कार्यान्यनको मागसहित गोल्खाडाबासी र त्यसका पक्षधरहरु एकातर्फ आन्दोलन गरिरहेका छन् भने माघ १५ गतेदेखि नै अस्थायी सदरमुकाम रहेको सिस्ने गाउँपालिका वडा नं. ५ र ६ रुकुमकोट तथा त्यसका पक्षधर सदरमुका त्यही हुनु पर्ने माग राख्दै आन्दोलनमा उत्रिएका छन् ।

रूकुमकोट पक्षधर संघर्ष समितिले संयोजक नन्दलाल शर्मालाई चयन गर्दै आन्दोलनमा होमिएको छ भने गोल्खाडा पक्षधर सरोकार समितिले संयोजक केशरमान रोकालाई बनाएर आन्दोलन गर्दै आएको छ।

हाल अस्थायी सदरमुकाम रहेकै ठाउँमा सदरमुकाम कायम हुनुपर्ने र सरकारको निर्णय कार्यान्वय हुनुपर्ने माग गर्दै गोल्खाडाबासी छुट्टा छुट्टै आन्दोलन तथा प्रदर्शनमा उत्रिँदा झडपको स्थिति उत्पन्न भएपछि त्यो रोक्न अनिश्चितकालिन कर्फ्यू लगाउनु परेको प्रजिअ शर्माले बताए।

२०७४ माघ ११ गतेको मन्त्रिपरिषद्को बैठकले जिल्लाको स्थायी सदरमुकाम पुथाउत्तरगंगा गाउँपालिका वडा नं. –१२, गोल्खाडा कायम गर्ने निर्णय गरेको थियो । पूर्वमा सिस्ने गाउँपालिका–५ धौलापैरा खोला, पश्चिममा सिस्ने गाउँपालिका–५ रानीकोट, उत्तरमा सिस्ने गाउँपालिका–६ को रूकुमगाडहुँदै धाउनेको पाटीघट्टसम्म, दक्षिणमा सिस्ने–५ को रुमालबारा हुँदै सहिदपार्कसम्म अनिश्चित कालिन कर्फ्यू आदेश जारी गरिएको प्रजिश शर्माले जानकारी दिए।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width