नेपालको शिक्षा क्षेत्रमा अमेरिकाको सहयोग रहने

रासस
माघ २३, २०७५
1549376963Ryandi

पोखरा,२३ माघ । नेपालका लागि अमेरिकी राजदूत र्यान्डी बेरी र शिक्षा विज्ञान तथा प्रविधि मन्त्री गिरिराजमणि पोखरेलबीच मंगलवार भेट भएको छ। मन्त्री पोखरेललाई भेट्न मन्त्रालय आएका राजदूत बेरीले नेपालको शिक्षा क्षेत्रको विकासको निम्ति अमेरिकाले सँधैं सहयोग गर्ने प्रतिवद्धता व्यक्त गरे।

शिक्षाको जग बसाल्न प्राथामिक शिक्षामा विषेश सहयोग गर्न तयार रहेको राजदूत बेरीले बताए। आफूसँग शिक्षा क्षेत्रको धेरै अनुभव भएको र शिक्षा क्षेत्रकै व्यक्ति भएको भन्दै राजदूत बेरीले अनुभव साट्न र समग्र शिक्षा क्षेत्रको विकासमा सहकार्य गर्न भेट्न चाहेको बताएको शिक्षा मन्त्रालयले जनाएको छ ।

बेरीले नेपालका विद्यालयहरूमा अंग्रेजी भाषा प्रशिक्षणका लागि खटिएका स्वयम सेवकहरूलाई भिसा प्रक्रिया सहज बनाइदिन पनि अनुरोध गरेका थिए। राजदूत बेरीले सन् १९६२ मा स्थापना भएको लिङ्कन स्कुलमा अंग्रेजी भाषा पढ्न चाहने विद्यार्थीलाई सहज वातावरण मिलाइदिन पनि नेपाल सरकारसँग अनुरोध गरेको शिक्षा मन्त्रीका प्रेस संयोजक सुनिल खड्काले बताए।

भेटमा मन्त्री पोखरेलले शिक्षामा प्रत्यक्ष एवम् अप्रत्यक्ष रुपमा सहयोग पुर्याउँदै आएकोमा अमेरिकी सरकारलाई धन्यवाद दिए। र, सहयोगको निरन्तरताको अपेक्षा पनि गरिएको बताए। विद्यालय क्षेत्र सुधार कार्यक्रम, राष्ट्रिय प्राराम्भिक कक्षा पढाइ कार्यक्रमले १० लाख बालबालिका लाभान्वित भएको भन्दै मन्त्री पाखरेलले यस्ता कार्यक्रमको सकारात्मक नतिजालाई हेरेर नेपाल सरकारले क्रमैसँग सबै जिल्लामा कार्यक्रम विस्तार गर्ने नीति सुरू गरेको बताए।

Related News

सम्बन्धित समाचार

hero news full width