कोरला नाका छिट्टै संचालनमा ल्याउन मन्त्रीको आग्रह

आदर्श समाज सम्वाददाता
माघ २१, २०७५
p 01

पोखरा, २१ माघ ः अर्थमन्त्री डा. युवराज खतिवडाले मुस्ताङ जिल्लाको कोरला नाकालाई छिटो सञ्चालन गर्न चीनसँग आग्रह गरेका छन्।

भारत र चीन जोड्ने नेपालको छोटो मार्ग मुस्ताङको कोरला नाकामा चीन तर्फका व्यापारिक संरचनाहरु निर्माण भइसकेको भएपनि नेपाल तर्फ बाँकी नै रहेको स्मरण गराउँदै उनले छिटो सञ्चालनमा ल्याउन आग्रह गरेका हुन् ।
चिनियाँ राजदूत होउ यान्छिसँगको भेटमा मन्त्री खतिवडाले यो नाका सञ्चालनमा आएसँगै त्रिदेशीय व्यापारमा सहज हुने बताए। उनले दुई देशबीचमा हुने व्यापारलाई औपचारिक रुपमा रुपान्तरण गर्न पनि जोड दिए।

अर्थमन्त्री डा. खतिवडाले चीनसँग सीमा जोडिएका ब्यापारिक नाका सञ्चालनमा आएमा नेपालको पूर्वाधार निर्माणमा सहयोग पुग्ने बताए। संविधान कार्यान्वयन गर्दै आर्थिक विकास र समृद्धिमा अघि बढेकोले उत्तरी सिमा नाकाहरु संचालनमा आए पूर्वाधार निर्माणमा सहज हुने उनको भनाइ थियो।

उनले दुबै देशका आपसी पारस्परिक व्यापारिक सम्झौताहरुलाई समय सापेक्ष परिमार्जन र सुधार गर्न आवश्यक भएको भनाई राखे। प्रधानमन्त्री केपी शर्मा ओलीको चीन भ्रमणको समयमा भएका बिआरआई अन्तर्गतका केही आयोजनाहरु तयारी गरिएको विषय चीन सरकारलाई स्मरण गराए।

उनले भुक्तानी प्रणालीलाई व्यवस्थित गर्न लामो समयदेखि थाँती रहेको चिनियाँ बैंकका शाखा नेपालमा विस्तार गर्न आवश्यक भएको बताए। पूर्वाधार तथा अन्तरदेशीय सडक सञ्जाल विकास गरी दुबै देशको व्यापार र पर्यटनमा सहयोग हुने मन्त्री खतिवडडको विश्वास थियो ।

भेटमा चिनियाँ राजदूत हो यान्छिले नेपालमा स्थिर सरकार भएकाले दुबै देशबीचको सम्बन्धलाई अझै मजबुत बनाउँदै पारस्परिक हित अभिबृद्धिबाट नेपालमा विकासले गति लिने विश्वास व्यक्त गरिन्। राजदूत उनले नेपाल सरकारको आर्थिक विकास र समृद्धिको लक्ष्य प्राप्तिलाई सघाउने प्रतिवद्धता समेत व्यक्त गरिन्।

दुबै देशले एक आपसमा नजिकबाट सहकार्य गर्न चाहेको भन्दै यो सम्बन्ध दुबै मुलुकको लागि फाइदाजनक हुने विश्वास व्यक्त गरिन्। उनले आगामी चैत १५ र १६ गते नेपालमा हुन लागेको लगानी सम्मेलनको लागि आवश्यक सहयोग गर्ने प्रतिवद्धता जनाउँदै उक्त सम्मेलनमा धेरै भन्दा धेरै चिनियाँ लगानीकर्ताहरुलाई सहभागी गराउन आवश्यक सहयोग गर्न चीन सरकार प्रतिवद्ध रहेको बताएकाी थिएन्।

नेपालमा भौतिक संरचना निर्माण, पर्यटन, कृषि, उर्जा, भूकम्प पछिको पुर्न्निर्माण लगायतका परियोजनाहरुमा चीन सरकारको सहयोग निरन्तर रहने प्रतिबद्धता समेत उनले व्यक्त गरिन् ।

Related News

सम्बन्धित समाचार

  • एमाले माग्यो गण्डकीका मुख्यमन्त्रीको राजीनामा

    विजय नेपाल असार १५, २०७९
    पोखरा, १५ असार । गण्डकी प्रदेशसभामा बजेटमाथि छलफल रोकेर सत्तागठबन्धनले संसदलाई अनिर्णयको बन्दी बनाएको भन्दै निकासको लागि नेकपा (एमाले) ले…
  • वामदेव गौतमद्वारा नयाँ पार्टीको घोषणा

    रासस असार १४, २०७९
    काठमाडौं । नेकपा (एमाले) का पूर्व नेता वामदेव गौतमले ‘नेपाल कम्युनिष्ट पार्टी एकता राष्ट्रिय अभियान’ नामक नयाँ पार्टीको घोषणा गर्नुभएको…
  • मल बिउ माग्दै धर्ना

    आदर्श समाज सम्वाददाता असार १४, २०७९
    पोखरा । किसानलाई तत्काल मल र बिउ उपलब्ध गराउन माग गर्दै राष्ट्रिय प्रजातन्त्र पार्टी कास्कीले पोखरास्थित कृषि ज्ञान केन्द्रको कार्यालयमा…
  • मल र बिउ माग गर्दै राप्रपाको धर्ना

    आदर्श समाज सम्वाददाता असार १३, २०७९
    पोखरा, १३ असार । किसानलाई तत्काल मल र बिउ उपलब्ध गराउन माग गर्दै राष्ट्रिय प्रजातन्त्र पार्टी कास्कीले पोखरास्थित कृषि ज्ञान…
  • राष्ट्रिय प्रजातान्त्रिक महिला संगठनमा विष्णु

    आदर्श समाज सम्वाददाता असार १३, २०७९
    पोखरा । राष्ट्रिय प्रजातान्त्रिक महिला संगठन कास्की अध्यक्ष विष्णु कार्की सर्वसम्मत निर्वाचित भएकी छिन् । पोखरामा शनिबार आयोजित जिल्ला अधिवेशनबाट…

hero news full width