शिक्षा सेवामूलक हुनुपर्छ : प्रदेश प्रमुख कुँवर

आदर्श समाज सम्वाददाता
माघ २०, २०७५
fisttail_Fotor

पोखरा, १९ माघ । पोखरा पार्दीस्थित फिस्टेल एकेडेमीले आफ्नो २५ वर्ष पूरा गरेको अवसरमा शनिबार रजतजयन्ती मनाएको छ।

गण्डकी प्रदेशका प्रमुख बाबुराम कुँवरले शनिबार समारोह उद्घाटन गर्दै शिक्षाको क्षेत्रमा विद्यालयले पुर्याएको योगदान महत्वपूर्ण रहेको बताए। देशको शिक्षा विकासमा निजी विद्यालयको भूमिका महत्वपूर्ण रहेको हुँदा शिक्षालाई ब्यावसायिक र नाफामूलकभन्दा सेवामूलक बनाउनु पर्ने उनको जोड थियो ।

उनले विद्यालयको गुणस्तरलाई अझै उच्च राख्दै सामुदायिक विद्यालयको सशक्तिकरणमा सरकारले ध्यान दिनुपर्ने र त्यही अनुसार नीति निर्माणको आवश्यकता औल्याए।

नेपाल सरकारका सचिव एवं कामु महालेखा नियन्त्रक सूर्यप्रसाद गौतमले शिक्षा सैद्धान्तिकभन्दा बढी ब्यवहारिक र प्राविधिक हुनुपर्ने कुरामा जोड दिए । समृद्ध नेपाल निर्माणमा शिक्षाको विकास नै महत्वपूर्ण पूर्वाधार भएको र सबै बालबालिकालाई सबैभन्दा पहिले शिक्षाको पहुँचभित्र ल्याउने सरकारको प्राथमिकता रहेको बताए। सो अवसरमा गण्डकी प्रदेशका सांसदद्वय कृष्ण थापा र कुमारबहादुर खड्का, नेपाल पत्रकार महासंघ कास्कीका अध्यक्ष दीपेन्द्र श्रेष्ठ, अभिभावक प्रकाश बराल, पूर्व विद्यार्थी एवं नागरिक उड््ययन कार्यालय पोखराका अधिकृत विश्व शर्मालगायतले शुभकामना मन्तब्य ब्यक्त गरेका थिए।

विद्यालयका संस्थापक प्राचार्य चिनु रानाभाटले गुणस्तरीय शिक्षाका लागि सधैँ लागिपरेको र मेहनत अनुसारको नतिजा हासिल गर्दै गएको भन्दै आगामी दिनमा विद्यार्थीको सर्वाङ्गीण विकासका लागि प्रविधिमैत्री शिक्षालाई जोड दिएर अघि बढ्ने प्रतिबद्धता व्यक्त गरे।  कार्यक्रममा समाज तथा शिक्षा विकासमा महत्वपूर्ण योगदान पुर्याउने वरिष्ठ शिक्षासेवी रामबहादुर ढकाल, राष्ट्रिय खेलकुद परिषदका पूर्व सदस्य खड्कबहादुर रानाभाट, युवा गायक विनोद बानियाँ, नेपाल सरकारका कामु महालेखा नियन्त्रक सूर्यप्रसाद गौतमलाई प्रदेश प्रमुख कुँवरले सम्मान गरेका थिए।

कार्यक्रममा विभिन्न विधामा विजयी विद्यार्थीलाई पुरस्कृत गरिएको थियो। विद्यार्थीले नेपाली भाषा संस्कृति र राष्ट्रभावना झल्कने विभिन्न सांस्कृतिक प्रस्तुति समेत राखेका थिए।  विद्यालय व्यवस्थापन समिति अध्यक्ष अञ्जु बस्नेत रानाभाटको अध्यक्षतामा भएको कार्यक्रममा स्वागत विद्यार्थी सजिता गुरुङले गरेका थिए।

Related News

सम्बन्धित समाचार

    • अपागंता भएका व्यक्तिलाई राहत

      आदर्श समाज सम्वाददाता असार ६, २०७८
      पोखरा । कास्की नेत्रहीन संघको समन्वय तथा विजनेस एन्ड प्रोफेसनल वुमेन क्लब पोखराको सहयोगमा कास्की जिल्लामा बसोबास गर्ने १ सय…
    • निगालोको चोया, जिउने सहारा

      धनबहादुर गुरुङ असार ६, २०७८
      पोखरा । छेवैमा ह्वील चियर विश्राम दिएर चेतबहादुर गुरुङ स्याँखु बुन्दैछन् । गत सातादेखि सुरु गरेको काम सक्नै आँटेका छन्…
    • कर्मफ्लाइट्सको स्वास्थ्य सामग्री सहयोग

      आदर्श समाज सम्वाददाता असार ४, २०७८
      पोखरा  । कर्मफ्लाइट्स फाउन्डेसन पोखराले कोरोना रोकथाम तथा नियन्त्रणका लागि बागलुङ तथा रुकुमका १२ स्वास्थ्य संस्थालाई १८ लाख ५० हजार मूल्य…
    • स्वतन्त्रको श्रद्धाञ्जली सभा

      आदर्श समाज सम्वाददाता असार ४, २०७८
      पोखरा । स्वतन्त्र पत्रकार संघ कास्कीले संघका राष्ट्रिय पार्षद् यज्ञप्रसाद बास्तोलाको नवौं दिनको पुण्यतिथिमा श्रद्धाञ्जली सभा आयोजना गरेको छ ।…
    • रक्तदान कार्यक्रममा २७ युनिट

      आदर्श समाज सम्वाददाता असार ४, २०७८
      पोखरा । विश्व रक्तदान दिवस अवसरमा रेडक्रस सोसाइटी पोखरा उपशाखा वडा २ र ३ को आयोजनामा रक्तदान कार्यक्रम भएको छ ।…

    hero news full width

    sanil ads

    wordlink ads

    trending post

    ट्रेन्डिङ्ग