बसको ठक्करवाट वृद्धाको मृत्यु

आदर्श समाज सम्वाददाता
माघ २०, २०७५

चितवन, २० माघ । चितवनमा मिनीबसको ठक्करबाट आइतबार बिहान ६ः१५ बजे एक वृद्धाको मृत्यु भएको छ । पूर्वी चितवनको टाँडीबाट लोथरतर्फ जाँदै गरेको बा३ख २५६५ नंको स्थानीय रुटमा चल्ने मिनीबसले पैदलयात्री राप्ती नगरपालिका–४ डुडुवा चोककी ७५ वर्षीया लीलामाया हुमागाईंलाई ठक्कर दिएको हो ।

उनको घटनास्थलमै मृत्यु भएको जिल्ला प्रहरी कार्यालय चितवनले जानकारी दिएको छ । ठक्कर दिने बस प्रहरी निन्त्रणमा रहेको र चालक फरार रहे पनि प्रहरीको सम्पर्कमा रहेको इलाका प्रहरी कार्यालय भण्डाराले जानकारी दिएको छ । शल्य परीक्षणका लागि भरतपुर अस्पतालमा राखिएको छ । रासस

Related News

सम्बन्धित समाचार

hero news full width