शीतलादेवीको ५४ औं वार्षिकोत्सव

दीप गुरुङ, विद्यार्थी पत्रकार
माघ १६, २०७५

सम्मानित विद्यालयका प्रधानाध्यापक बाबुराम अधिकार सम्मानपत्रसहित। साथमा गण्डकी प्रदेश प्रमुख बाबुराम कुँवर र विद्यालय व्यवस्थापन समिति अध्यक्ष टीकाबहादुर कार्कीलगायत। तस्वीर : आदर्श समाज

पोखरा, १५ माघ। पोखरा–१२ स्थित शीतलादेवी सामुदायिक माध्यमिक विद्यालयको ५४ औं वार्षिकोत्सव मंगलबार सम्पन्न भयो।

कार्यक्रममा विद्यालयका लागि योगदान पुर्याउने विद्यालयका प्रधानाध्यापक बाबुराम अधिकारी, शिक्षक/शिक्षिका बोधराज गौतम, पूर्णिमा कुँवर, मीना केसीलाई दोसल्ला ओढाउँदै सम्मानपत्र प्रदान गरियो ।

त्यस्तै, कर्मचारी मनु श्रेष्ठलाई पाँच हजारसहित दोसल्ला र सम्मानपत्र प्रदान गरिएको थियो।

प्रमुख अतिथि गण्डकी प्रदेश प्रमुख बाबुराम कुँवर र विद्यालय व्यवस्थापन समिति अध्यक्ष टीकाबहादुर कार्कीले उनीहरुलाई सम्मान गरेका थिए। प्रदेश प्रमुख कुँवरले शिक्षालाई व्यवहारिक बनाउनु पर्नेमा जोड दिए।

पोखरा–१२ का वडाध्यक्ष रामबहादुर कार्कीले विद्यालयले गरेको प्रगतिको प्रशंसा गरे।

त्यस अवसरमा विद्यालय प्रधानाध्यापक बाबुराम अधिकारीले विद्यालयको वार्षिक प्रतिवेदन प्रस्तुत गरेका थिए।

वार्षिकोत्सवमा शीलतादेवी निवासी समाजसेवी पूर्णमान श्रेष्ठले पाँच लाख ५५ हजार पाँच सय ५५ रुपैयाँको अक्षयकोष स्थापना गरेका छन्। सो अक्षयकोषबाट वर्षेनी विद्यार्थीलाई छात्रवृत्ति प्रदान गरिनेछ।

शीतलादेवी सामुदायिक विद्यालय व्यवस्थापन समिति अध्यक्ष टीकाबहादुर कार्कीको अध्यक्षतामा भएको कार्यक्रममा प्रधानाध्यापक बाबुराम अधिकारीले स्वागत र शिक्षक रामचन्द्र अधिकारीले संचालन गरेका थिए।

सम्बन्धित समाचार

पर्वतीय संग्रहालयमा फोटो प्रदर्शन

आदर्श समाज सम्वाददाता असाेज ११, २०८०

पोखरा । अन्तर्राष्ट्रिय पर्वतीय संग्रहालयमा अबदेखि फरकफरक भूगोलका एकै प्रकारको हिमाली जनजीवन चिनाउने गरी अस्ट्रियन आमाछोरीले लामो समय लगाएर खिचेको…
सरकारको आलोचनामात्र गर्नु गलत : मन्त्री सिंखडा

आदर्श समाज सम्वाददाता असाेज ११, २०८०

पोखरा । गण्डकी प्रदेश सामाजिक विकास तथा स्वास्थ्य मन्त्रालयले प्रदेशका स्वास्थ्य क्षेत्रमा क्रियाशील गैरसरकारी संघसंस्थासँग छलफल तथा अन्तरक्रिया गरेको छ…
अनुगमनमा ३ पसललाई कारबाही

आदर्श समाज सम्वाददाता असाेज ११, २०८०

लमजुङ । जिल्ला सदरमुकाम बेंशीसहरमा मापदण्डविपरीत सञ्चालित ३ पसल कारबाहीमा परेका छन् । जिल्ला अनुगमन समितिले २ किराना र १…
भूपू सैनिक सहकारीको सभा

आदर्श समाज सम्वाददाता असाेज ११, २०८०

हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।…
लेखनाथ कुटानी पिसानी व्यवसायी समितिमा विष्णु

आदर्श समाज सम्वाददाता असाेज ११, २०८०

लेखनाथ । लेखनाथ कुटानी पिसानी व्यवसायी समितिको अध्यक्ष विष्णुप्रसाद लमिछाने चयन भएका छन् । संस्थाको बुधबार सम्पन्न १०औं साधारण सभा…