धवलागिरीको रजतजयन्तीमा प्रभातफेरी

आदर्श समाज सम्वाददाता
माघ १६, २०७५
hemja dhaulagari boarding school photo

हेमजास्थित धवलागिरी बोडिङ स्कूलको रजतजयन्ती अवसरमा आयोजित प्रभातफेरी। तस्वीरः श्रीभद्र पौडेल/आदर्श समाज

हेमजा, १५ माघ। पोखरा–२५ स्थित धवलागिरी बोर्डिङ स्कूलले रजतजयन्ती अवसरमा मंगलवार प्रभातफेरी कार्यक्रम गरेको छ।

स्थानीय तिब्वतीयन क्याम्पबाट शुरु प्रभातफेरी मिलनचोक म्याग्दीचोक, मेलबोट हुँदै विद्यालयमा पुगी सभामा परिणत भएको थियो।

प्रमुख अतिथि वडा प्रहरी कार्यालय बगरका प्रमुख तथा विद्यालयका पूर्व शिक्षक प्रहरी निरीक्षक दीपक थापाले विद्यालयको सफलताको शुभकामना व्यक्त गर्दै आफ्नो तर्फबाट सक्दो सहयोग रहने प्रतिबद्घता व्यक्त गरे।

निरीक्षक थापाले कतिपय विद्यार्थी लहैलहैमा लागुऔषधको सिकार हुने गरेको तर्फ सचेत गराउँदै विद्यार्थी जीवनमा अनुशासनको महत्व ठूलो रहने औँल्याए।

विद्यालयका संस्थापक प्रधानाध्यापक शिवबहादुर रेग्मीले विद्यालय प्रशासनले शैक्षिक गुणस्तरलाई महत्व दिँदै आएको जनाउँदै विद्यार्थीको भविष्यप्रति आफूहरु सचेत रहेको अवगत गराए।उनले रजतजयन्ती महत्वमाथि प्रकाश पनि पारेका थिए।

विद्यालय व्यवस्थापन समिति अध्यक्ष तुलाराम पौडेलले सबै सरोकारवालाले जिम्मेवारी पूरा गरी विद्यालयमा शैक्षिक वातावरण बढाउनुपर्ने तर्क गरे।

प्रभातफेरीमा शिक्षक, अविभावक, विद्यार्थी, कर्मचारी लगायत अन्य हेमजावासीको सहभागिता रहेको थियो।उनीहरुले विभिन्न सचेतनामूलक प्लेकार्ड प्रदर्शन गरेका थिए। रजतजयन्तीअन्र्तगत मूल कार्यक्रम फागुन ४ र ५ गते गर्ने तयारी पनि विद्यालयले गरेको छ।

यसअघि विद्यालयले जयन्तीकै अवसरमा अन्तरविद्यालयस्तरीय हाजिरीजवाफ, शिक्षक भलिबल, निःशुल्क दन्त शिविर गरिसकेको छ ।

आगामी शनिवार सरसफाइ गर्नुका साथै हेमजाका सार्वजनिक स्थलमा डस्टविन वितरण गर्ने कार्यक्रम रहेको संस्थापक प्रधानाध्यापक रेग्मीले बताए।

विद्यालय व्यवस्थापन समिति अध्यक्ष पौडेलको अध्यक्षतामा भएको उक्त कार्यक्रममा संस्थापक प्रधानाध्यापक रेग्मीले स्वागत तथा अतिरिक्त क्रियाकलाप संयोजक शिक्षक कृष्ण भण्डारीले कार्यक्रम संचालन गरेका थिए।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width