पोखरा, १३ माघ । कास्की जिल्ला फुटबल संघको आयोजनामा पोखरा रंगशालामा सोमबारदेखि मनकामना केवलकार पोखरा कप–२०७५ हुँदैछ । उद्घाटनमा एपीएफ र हिमालयन शेर्पाबीच प्रतिष्पर्धा हुनेछ ।
आयोजकले शनिबार पत्रकार सम्मेलन गरी प्रतियोगिता तयारी अन्तिम चरणमा पुगेको र उद्घाटन खेलमा एपीएफ र हिमालयन शेर्पाबीच उद्घाटन खेल हुने जानकारी दिएको छ ।
विदेशी २ सहित १२ टिमको सहभागिता हुने प्रतियोगितामा नेपालका उत्कृष्ट ९ क्लब मनाङ मस्र्याङ्दी, संकटा, थ्रिस्टार, नेपाल आर्मी, नेपाल पुलिस, एपीएफ, हिमालयन शेर्पा, च्यासल, ब्रिगेड ब्वाइज तथा जापानको रिस्सो युनिभर्सिटी र क्यामरुनको डफिन्स टिम फेमेलीको सहभागिता रहने संघ अध्यक्ष मिलन गुरुङले जानकारी दिए ।
यही माघ १५ देखि २६ सम्म हुने प्रतियोगितामा यसपालि पुरस्कार राशिमा समेत वृद्धि गरिएको छ । जसअनुसार विजेताले ७ लाख ५५ हजार र उपविजेताले ४ लाख ५ हजार रुपैयाँ पाउने एन्फा कास्की महासचिव रमेश कार्कीले जानकारी दिए । पुरस्कार राशिमा २ लाख वृद्धि भएको हो ।
उत्कृष्ट खेलाडीलाई मोटरसाइकल र फुटबल खेलमा योगदान दिने एक जना खेलाडीलाई सम्मानस्वरुप स्कूटर प्रदान गरिनेछ । यस्तै एक जना पत्रकारलाई समेत सम्मानित गरिने छ ।
प्रतियोगितामा ५ विधाका उत्कृष्ट खेलाडीलाई जनही २५ हजार सहित ट्रफी प्रदान गरिनेछ ।
प्रतियोगिता संचालन गर्न १ करोड १७ लाख लाग्ने र प्रतियोगिताबाट आम्दानी १ करोड २८ लाख ५० हजार हुने आयोजकको विश्वास छ । बचत रकम फुटबल खेलको विकासमा खर्च गरिने पनि अध्यक्ष गुरुङले बताए ।
पोखरा रंगशालाको पुरानो फुटबल स्टेडियम भत्काइनु र नयाँ निर्माण प्रक्रिया समेत अघि नबढ्दा खेल संचालन गर्न रकम बढी लाग्ने अध्यक्ष गुरुङले बताए । अस्थायी प्यारापिट निर्माण, शौचालय, चेन्जिङ रुम निर्माणलगायतमा बढी खर्च हुँदा प्रतियोगिता संचालनमा भार बढेको आयोजकको गुनासो छ ।
पाँचौ संस्करणसम्म निरन्तर आयोजित सो प्रतियोगिताले २ वर्षपछि पुनः निरन्तरता पाएको छ । प्रतियोगितालाई मनकामना केवलकारले मुख्य प्रायोजन गरेको छ ।
Related News
सम्बन्धित समाचार
बाघचालमा नवीन प्रथम
रेबान भेट्रान्स कपमा नवीनलाई उपाधि, डबल्सतर्फ अनुज र नवीन विजयी
रेबान कप टेनिस फाइनल आज
रेवान कप टेनिस सुरु
नेपालद्वारा एकदिवसीय मान्यता सुरक्षित
hero news full width
मुख्य समाचार
नेपालको जनसंख्या २ करोड ९१ लाख ६४ हजार ५७८
पालिका प्रमुख भन्छन् : तीन सरकारबीच भएन सहकार्य
चैत्र १०, २०७९सांसदले बाँड्ने गरी प्रत्येक क्षेत्रमा २ करोड
चैत्र १०, २०७९गण्डकीमा शुक्रबार माओवादी सरकारबाट बाहिरिने, के गर्छन् खगराज ?
चैत्र ९, २०७९सेनाको संख्या तोक्ने स्वघोषित प्राज्ञले होइन : प्रधान सेनापति
चैत्र ९, २०७९डेढ महिनाअघि पति र जेठाजुको कुटाइले घाइते स्याङ्जाकी कमलाको मृत्यु
चैत्र ९, २०७९