तेक्वान्दोमा कास्की प्रथम

Avatar एजेन्सी
माघ १३, २०७५
tekwando_Fotor

पोखरा, १२ गते। गण्डकी प्रदेश तेक्वान्दो प्रतियोगितामा कास्की जिल्ला प्रथम भएको छ। प्रतियोगितामा बागलुङ दोश्रो र पर्वत तेश्रो भए ।

कास्की ४ स्वर्ण २ रजत र ३ कास्यसहित प्रथम भएको हो। बागलुङले ३ स्वर्ण २ रजत र ५ कास्य प्राप्त गर्दा पर्वतले २ स्वर्ण ३ रजत र ४ कास्य पदक जित्यो ।

कास्कीलाई स्वर्ण पदक दिलाउन ५४ केजी पुरुषतर्फ विजय गुरुङ, ६८ केजीका हेमन्त गुरुङ र महिलातर्फ ४९ केजीका प्रीति सारुमगर, ५३ केजीका प्रतीक्षा सुवेदीको योगदान रहन पुग्यो।

बागलुङतर्फ पुरुष ६३ केजीमा देवेन्द्रराज लामा, महिलातर्फ ५७ केजीमा करिष्मा सुनार र ६२ केजीमा ममता खड्काले स्वर्ण पदक प्राप्त गर्न सफल रहे। पर्वततर्फ खेलाडीमा ५८ केजीतर्फ सुरज कँडेल ७४ केजीमा ईश्वर नेपाली कास्कीका विजय गुरुङ पुरुषतर्फ र म्याग्दीका रश्मी श्रेष्ठ महिला तर्फ वेष्ट फाइटर घोषित भए। उनीहरुलाई १०/१० हजार नगद सहित पुरस्कृत गरियो।

विजयलाई पोखरा महानगरपालिकाका प्रमुख मानबहादुर जिसीले पुरस्कार तथा पदक वितरण गर्दै पोखरालाई खेलकुदको राजधानीको रुपमा विकास गर्न महानगरपालिकाले सक्दो योगदान गर्ने प्रतिवद्धता गरे । कार्यक्रममा तेक्वान्दो क्षेत्रमा योगदान दिएकोमा तेक्वान्दो संघका केन्द्रिय उपाध्यक्ष हरिश्वर पोखरेल, कुकियन प्रतिनिधि कोरियन गुरु क्वान योङ दल र ङमरजंग गुरुङलाई समेत गरियो।

गण्डकी प्रदेशका ६ जिल्लाको सहभागिता रहेको प्रतियोगितामा ५२ वाउट खेलाइएको तेक्वान्दो समिति अध्यक्ष जगनबहादुर गुरुङले बताए ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग