जनप्रिय माविको स्वर्णजयन्ती

आदर्श समाज सम्वाददाता
माघ ११, २०७५
IMG_20190124_112256_Fotor

जनप्रिय माविको स्वर्णजयन्ती मूल समारोह विहीवार उद्घाटन गर्दै राष्ट्रिय सभा अध्यक्ष गणेशप्रसाद तिमिल्सिना । तस्वीर : गुप्तप्रसाद शर्मा/आदर्श समाज

  • सामुदायिक विद्यालयको शैक्षिक गुणस्तर उकास्नुपर्नेमा जोड
  • शैक्षिक संस्था बेरोजगार जनशक्ति उत्पादन गर्ने थलोका रुपमा देखिए
  • पूर्व अध्यक्ष, सदस्य, शिक्षक अभिभावक संघ अध्यक्ष, पूर्व प्रअ, शिक्षकलाई दीर्घसेवा पदक तथा सम्मान
  • स्वर्णजयन्ती अवसरमा बिहीबार बिहान रक्तदान कार्यक्रम

पोखरा, १० माघ। पोखरा–८, सिमलचौरस्थित जनप्रिय माविको स्वर्णजयन्ती समारोह विहीवार सम्पन्न भएको छ।

राष्ट्रिय सभा अध्यक्ष गणेशप्रसाद तिमिल्सिनाले स्वर्णजयन्ती समारोह उद्घाटन गरेका हुन्। साथै उनले विद्यालय परिसरमा निर्मित स्वर्ण महोत्सव स्मारकसमेत अनावरण गरे।

कार्यक्रममा बोल्दै तिमिल्सिनाले सामुदायिक विद्यालयको शैक्षिक गुणस्तर उकास्नुपर्नेमा जोड दिए। उनले मुलुकमा व्यावसायिक एवं प्राविधिक शिक्षाको आवश्यकता रहेको भन्दै गुणस्तरीय शिक्षाका लागि पाठ्यक्रममा सुधार गरेर अगाडि बढ्नुपर्ने बताए।

शैक्षिक संस्था बेरोजगार जनशक्ति उत्पादन गर्ने थलोका रुपमा देखिएको टिप्पणी गर्दै उनले देशमै रोजगारको अवस्था सिर्जना गर्नुपर्नेमा उनको जोड थियो।

गण्डकी प्रदेश सभा सदस्य कृष्णबहादुर थापाले जनप्रिय माविले साधारण शिक्षामात्र नभई प्राविधिक शिक्षातर्फ पनि अग्रसर भएको बताए।

विद्यालय प्रअ बाबुराम पौडेलले विद्यालयको शैक्षिक गुणस्तर क्रमिक रुपमा बढ्दै गएकोले विद्यालयप्रति पछिल्लो समयमा विद्यार्थीको आकर्षण बढेको जानकारी दिए ।

कार्यक्रममा विद्यालय व्यवस्थापन समितिका पूर्व अध्यक्षहरु देवराज चालिसे, सोभियतबहादुर अधिकारी, वीरेन्द्रनारायण बिजुक्छे, बलराम बराल, प्रेमनारायण बराल, वडा ८ का वडाध्यक्ष रुद्रनाथ बराल, पूर्व विद्यार्थी मञ्चका अध्यक्ष सरोजनारायण बराल, समाजसेवी परशुराम बराल, पूर्व प्रअ नारायण पराजुली, सिर्जना विकास केन्द्रका अध्यक्ष मीनपप्रसाद भट्टराई, शिक्षक अभिभावक संघका अध्यक्ष टीकाराम पौडेल, विद्यालय व्यवस्थापन समिति सदस्य रमेश बराल, पूर्व विद्यालय व्यवस्थापन समिति सदस्य हिराकाजी श्रेष्ठ, नेकपा–८ का अध्यक्ष लक्ष्मी सुवेदी, श्रीराम आधारभूत विद्यालय प्रअ तीर्थ न्यौपाने, शिक्षक सावित्री चालिसे, विद्यार्थी अभिमत लामिछाने लगायतले शुभकामना मन्तव्य व्यक्त गरेका थिए।

सो अवसरमा विद्यालयले विद्यालय व्यवस्थापन समिति पूर्व अध्यक्ष, सदस्य, शिक्षक अभिभावक संघ अध्यक्ष, पूर्व प्रअ, शिक्षकलाई दीर्घसेवा पदक तथा सम्मान प्रदान गरेको थियो।

साथै, विद्यालयका लागि चन्दादाता, अक्षयकोषदातालाई सम्मान गरेको थियो। विद्यालयले वर्ष विद्यार्थीका रुपमा दीपेश अधिकारीलाई सम्मान गर्यो ।

विद्यालय व्यवस्थापन समिति अध्यक्ष राजकुमार गिरीको अध्यक्षतामा भएको कार्यक्रममा सहायक प्रअ देवीप्रसाद बस्ताकोटीले स्वागत र सहायक प्रअ ऋषिराम अधिकारीले संचालन गरेका थिए।

विद्यालयको स्वर्णजयन्ती अवसरमा बिहीबार बिहान रक्तदान कार्यक्रम भएको छ । कार्यक्रममा १८ यूनिट रगत संकलन भयो ।

नेपाल रेडक्रस सोसाइटी कास्की अध्यक्ष डोलराज पाण्डेले पहिलो रक्तदाता पूर्व विद्यार्थी मञ्चका सचिव सागर पौडेललाई ब्लडब्याग हस्तान्तरण गरी कार्यक्रम उद्घाटन गरेका थिए।

पोखराको पुराना विद्यालयमध्ये एक जनप्रियले स्वर्णमहोत्सव अवसरमा यस वर्ष विविध कार्यक्रम गरेको छ ।

Related News

सम्बन्धित समाचार

  • गण्डकी सरकारले घटायो करका दर, २ अध्यादेश पारित

    आदर्श समाज सम्वाददाता असाेज ८, २०७९
    पाेखरा । गण्डकी प्रदेश सरकारले नागरिकको आवाज सम्बोधन गर्दै करका दरमा पुनावलोकन गर्ने लगायत ३ महत्वपूर्ण निर्णय गरेको छ । असोज…
  • महानगरमा मेरा ५ वर्ष

    शंकर बास्तोला असाेज ८, २०७९
    विल्कुल नयाँ संरचनामा स्थानीय तहको पहिलो निर्वाचन हुँदै थियो । २०५९ पछि रिक्त स्थानीय निकाय सरकारका रुपमा २०७४ मा ब्युँतियो…
  • नागरिकताका लागि संघर्ष

    धनबहादुर गुरुङ असाेज ८, २०७९
    पोखरा । नेपालका यौनिक तथा लैंगिक अल्पसंख्यक समुदाय (पारलैंगिक) मध्ये ‘अन्य’ लैंगिक पहिचानबाट १ सय ८३ जनाले नागरिकता लिइसकेका छन्…
  • पहिलोपल्ट पम्प सिस्टममा बिजुली

    आदर्श समाज सम्वाददाता असाेज ७, २०७९
    पोखरा । नेपालमै पहिलो पटक पम्पिङ प्रणालीबाट विद्युत उत्पादन पोखरामा गरिने भएको छ । पम्पबाट पानी तानेर इन्टेकमा स्टोर गर्ने…
  • २८ बुँदे घोषणापत्र जारी गर्दै सकियो मुस्ताङ सम्मेलन

    आदर्श समाज सम्वाददाता असाेज ५, २०७९
    पोखरा । जलवायु परिवर्तनबाट पर्वतीय क्षेत्रमा निम्तने खतरालाई सम्बोधन गर्न ३ तहका सरकारलाई समन्वयकारी भूमिका निर्वाह गर्न आग्रह गर्ने लगायत…

hero news full width