पोखरा, १० माघ । कैलाश विकास बैंक लिमिटेड र नेपाल मेडिसिटी अस्पतालबीच स्वास्थ्य सेवासम्बन्धी सम्झौतापत्रमा हस्ताक्षर भएको छ।

बैंकतर्फबाट प्रमुख कार्यकारी अधिकृत अमृतचरण श्रेष्ठ र अस्पतालतर्फबाट महाप्रबन्धक विजय रिमालले सम्झौतापत्रमा हस्ताक्षर गरेका हुन्।

उक्त सम्झौतामा नेपाल मेडिसिटी अस्पतालले बैंकका सम्पूर्ण भिसाकार्ड भएका ग्राहकवर्ग तथा कर्मचारीहरुलाई उपचार खर्चमा आकर्षक छुट सुविधा प्रदान गर्ने बैंकका प्रमुख कार्यकारी अधिकृत अमृत चरण श्रेष्ठले जानकारी दिए।

बैंकको हालसम्म शाखा संख्या ८५ पुगेका छन् भने एटिएम संख्या ३१ पुगेका छन्।

निकट भविष्यमा काठमाडौंका विभिन्न ४ स्थान तथा देशका अन्य ८ ठाँऊहरुमा शाखा संचालन गर्ने तयारी गरिरहेको बंकले जनाएको छ।

बैंकले अत्यधुनिक प्रविधि प्रयोग गर्दै समस्त आधारभूत बैंकिङ सेवा साथै मोबाइल बैंकिङ, एसएमएस बैंकिङ, इन्टरनेट बैंकिङ सेवा, कनेक्ट आइपिएस सेवा, सेयर लगानीकर्ताहरुको लागि सी–आस्वा सेवा, रेमिटान्स सेवा लगायत सेवा प्रदान गर्दै आएको छ।