लायन्स क्लबले बनाइदियो असहायलाई घर

आदर्श समाज सम्वाददाता
माघ ११, २०७५
ghar

पोखरा, १० माघ। लायन्स क्लब अफ पोखरा लामाचौरले असहाय एक वृद्धलाई घरबासको व्यवस्था मिलाएको छ ।

कास्कीको मादी गाउँपालिका–७ का ८६ वर्षीय मोदसिङ गुरुङ असहाय रहेकोमा उनको निम्ति लायन्स क्लब पोखरा लामाचौरले ८० हजार रुपैयाँ बराबर खचेर्र घर बनाएको क्लब अध्यक्ष सञ्जय लामाले जानकारी दिए ।

ओत लाग्ने ठाउँ नहुँदा पालमुनि बस्दै आएका गुरुङले घर पाएपछि निकै खुसी व्यक्त गरे । उनले सहयोगप्रति सम्पूर्ण सहयोगीलाई धन्यवाद समेत दिए ।

क्लबले ढुंगा माटोसहित जस्ता पाताले छाएको एकतले घर निर्माण गरेको हो ।

अबका दिनमा क्लबले यस्तै प्रशंसनीय कार्य गर्दै जाने क्लब उपाध्यक्ष ज्ञानु लामाको भनाइ छ । क्लबले यसअघि पनि विभिन्न स्थानमा विद्यालयका बालबालिकालाई शैक्षिक सामग्री हस्तान्तरण, वृद्धाश्रममा सहयोग  एवं रक्तदान कार्यक्रम गरेको क्लब सहसचिव सृजना कार्कीले बताइन् ।

Related News

सम्बन्धित समाचार

hero news full width