पोखरा, ९ माघ । कास्कीको माछापुच्छ्रे गाँउपालिका–८, ल्वाङ होम–स्टेले आफ्नो मासिक आम्दानीको ३ प्रतिशत रकम गाँउकै स्वास्थ्य क्षेत्रको विकास र विस्तारमा खर्च गर्ने जनाएको छ । यही माघको ५ गते बसेको गाँउभेला तथा होम–स्टेको आकस्मिक बैठकबाट उक्त निर्णय गरिएको होम–स्टे ब्यबस्थापन समितिका अध्यक्ष हिमकुमारी गुरुङले जानकारी दिइन् ।
त्यस्तै, होम–स्टेको निर्णयलगत्तै उक्त स्थानमा रहेका होटल र क्यानोनिङ व्यवसाय सञ्चालक बोनि गुरुङसमेतले आफूहरू पनि स्वास्थ्य क्षेत्रमा सहयोग गर्न तयार रहेको प्रतिबद्धता जनाए ।
उक्त स्थानमा नौलो घुम्ती नेपालको करिब ६७ प्रतिशत ८ नं वडा कार्यालयको २५ प्रतिशत र स्थानीय जनश्रमदान करिब ८ प्रतिशत गरि भवन तथा अन्य भौतिक पूर्वाधार निर्माण गरेको छ । २०७६ बैशाखमा सामुदायिक स्वास्थ्य ईकाईको सेवा सञ्चालन तयारी भइरहेको ल्वाङ घलेल स्वास्थ्यचौकीका कर्मचारीले बताए । स्वास्थ्य ईकाई सञ्चालनमा आएपछि स्थानीय, आन्तरिक तथा बाह्य पर्यटकलाई प्राथमिक स्वास्थ्य सेवा लिन सहज हुने नौलो घुम्ती नेपालका पब्लिक हेल्थ असिस्टेन्ट सुनिल सुवेदीले बताए । त्यस्तै, ८ नं. वडाका वडा अध्यक्ष कृष्णप्रसाद दबाडीले यसअघि वडाका स्वास्थ्य संस्था नहुँदा समस्या भएको र आगामी दिनमा प्राथमिक उपचार र प्रसुति सेवा उपलब्ध गराउन आवश्यक व्यवस्थापनका लागि पहल गर्ने प्रतिबद्धता जनाए ।
स्थानीय महिला स्वास्थ्य स्वयंसेविका, स्वास्थ्य चौकी र वडा कार्यालयको संयुक्त अग्रसरतामा उक्त कार्यक्रम ल्याइएको हो । कार्यक्रमले सबैमा उत्साहजनक सहभागिता र हौसला ल्याएको स्वास्थ्यचौकीका कर्मचारी आनन्द बरालले बताए । स्वास्थ्यचौककीका अर्का कर्मचारी दिपक शर्माले उत्साहजनक कार्यक्रमले सेवा प्रवाहमा समेत थप उर्जा मिलेको उल्लेख गरे ।
Related News
सम्बन्धित समाचार
तारकाङ पोखरा समाजको सभा
पोखरामा मनाइयो मानवअधिकार दिवस
‘फरक हिमाली क्षेत्रका समान जीवनशैली’
लायन्स हेरिटेजको न्यानो कपडा
वडा नम्बर १२ को चोकचोकमा डस्टबिन
hero news full width
मुख्य समाचार
पोखरामा देशकै ठूलो अटो मेला
लेखनाथमा कारले स्कुटरलाई ठक्कर दिँदा २ युवतीको मृत्यु
मंसिर २४, २०८०प्राडा बुद्धिलाई लाइफ टाइम एचिभमेन्ट अवार्ड, दीपेन्द्रलाई पत्रकारिता पुरस्कार
मंसिर २४, २०८०१७ वर्षे बालकले बस चोरेर चलाउँदा
मंसिर २४, २०८०पुम्दीकोटमा रुंगटा एक्लैको २ करोड दान
मंसिर २३, २०८०माधव नेपालले दिए छानबिनको चुनौती
मंसिर २३, २०८०