जि नाइनसँग प्रकट

आदर्श समाज सम्वाददाता
पौष ३०, २०७५
G-9 Prakat_Fotor

पोखरा, २९ पौष। सुन्दर पर्यटकीय नगरी पोखरामा साइकल चलाउने नौ जना साइक्लिष्टिहरूको समूह जि नाइनद्वारा आयोजित ‘जि नाइनसँग प्रकट’ शनिबार साँझ सांग्रिलामा सम्पन्न गर्यो।

कार्यक्रम संयोजक निरज थापाले प्रकट पगेनी शिवको परिचयसँगै शुभकामना दिनसाथ प्रकटले ‘उठ्यो रिमै फेवातालमा छाल साँझपख…’ गजल वाचन गरे। उनले ढेड घण्टामा १८ वटा प्रेमिल गजल र आफ्नो रचना गर्भ सुनाएर स्रोतालाई लठ्ठ पारे। ६३ वषे पाका प्रकटले ‘तप्प तप्प जलविन्दु…’ गजल वाचन गरिरहँदा उमेरले ४० कटेकाले ‘वान्स मोर’ को फर्माइस गुञ्जयमान बनाएका थिए। माया, पिरती र प्रेमिल गजलका सर्जक प्रकटले आफ्नो एकल वाचनको १६ औं शृङ्खला चलिरहेको जानकारी दिए।

मेहफिलमा जमेकाले मध्येरातमा आफूलाई फोन गरेर गजल सुनाउनु अनुरोध गर्छन्। भाइसाथीहरू भेट हुँदा जाओस न एउटा गजल भन्छन्। हिजो आज यस्तोमा आफूले ‘नो’ भन्ने गरेको हुँदा यस्तै व्यवस्थित माहोलमा मात्रै गजल सुनाउने कुरा गरे।

कार्यक्रममा प्रकटलाई सरल, इमान्दार, नम्र स्वाभावका सिर्जनशील व्यक्तिका रूपमा चिनाइयो।

हिउँद वर्षा नभनी भुकभुके अँध्यारोमै निरन्तर साइकल चलाएर स्वास्थ्य, वातावरण, पर्यटन प्रवद्र्धनमा पाँच वर्षदेखि क्रियाशील जि नाइन फेवादेखि रारासम्म, कास्कीको सिक्लेस, स्याङ्जाको स्वरेक, सिरुवारी, पाल्पा तानसेन हुँदै रूपन्देहीको लुम्बिनी लगायत पहाडदेखि तराईसम्मको भूगोलमा गुडेको समूह हो।

३० उद्यमीका अर्धाङ्गिनीसहित ६० जनाको उपस्थिति रहेको कार्यक्रममा छोराछोरी नल्याउन आग्रह गरिएको थियो। विशुद्ध दम्पत्तिलाई मात्रै प्रणय गजल सुनाउने उद्देश्यले आयोजित कार्यक्रमलाई हिउँदे र वर्षाकालीन दुईवटा ऋतुमा फरक–फरक स्रष्टलाई ल्याउने लक्ष राखिएको संयोजक थापाले जानकारी दिए।

गायक हिराकाजी श्रेष्ठले ‘यही हो पोखरा राजै यही हो पोखरा,’ निरज थापाले ‘अल्झेछ क्यारे पछ्यौरी, चिसो चिसो हावामा,’ तेजबहादुर गुरुङले ‘सबै मन बोलेर भन् जय जय नेपाल’, कलाकार किरण रञ्जितले ‘हे कान्छा मलाई सुनको तारा’ साथमा बुद्धिमान गुरुङ धम्पूको नृत्य रहेको थियो।

जि नाइनका सचिव प्रकाश बज्राचार्यले कविता वाचन गरेका थिए भने विक्रम उदासले तवलमा र प्रविण बुद्धाचार्यले गिटारमा साथ दिएका थिए।

Related News

सम्बन्धित समाचार

  • कर्मचारी युनियन हिमालय आँखा अस्पतालमा प्रेमकुमार

    आदर्श समाज सम्वाददाता मंसिर १०, २०७९
    पोखरा । नेपाल स्वास्थ्यकर्मी तथा कर्मचारी युनियन हिमालय आँखा अस्पताल पोखरा अध्यक्षमा प्रेमकुमार नकर्मी निर्वाचित भएका छन् । युनियनको शनिबार साताै…
  • पोखरामा रैथाने भोजन सप्ताह

    आदर्श समाज सम्वाददाता मंसिर ९, २०७९
    पोखरा । पोखरामा ‘रैथाने भोजन सप्ताह अनि मःम जात्रा’ हुने भएको छ । नेपासा भोजनले मंसिर १० देखि रैथाने खानाको…
  • क्होइबों बनाउन १० लाख सहयोग

    आदर्श समाज सम्वाददाता मंसिर ७, २०७९
    पोखरा । घान्द्रुकमा निर्माण हुन लागेको क्होइबों धिंका लागि घान्द्रुक समाज हङकङले आर्थिक सहयोग गरेको छ । समाजले मंगलबार घान्द्रुक…
  • पोखरा विमानस्थल : ग्राउण्ड ह्याण्डलिङ माग्यो निगमले

    आदर्श समाज सम्वाददाता मंसिर ७, २०७९
    पोखरा । राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) ले पोखरा क्षेत्रीय अन्तर्राष्ट्रिय विमानस्थलको भूमिस्थ सेवा ‘ग्राउन्ड ह्यान्डलिङ’ निगमलाई प्रदान…
  • जन्मदिनमा वृद्धाश्रममा खाद्यान्न वितरण

    आदर्श समाज सम्वाददाता मंसिर ६, २०७९
    पोखरा । हङकङलाई कर्मथलो बनाएका देवचन्द्र गुरुङ र सावित्री गुरुङले आफ्नो छोरा सम्राट गुरुङको १० औं जन्मदिनका अवसरमा पोखरा वृद्धाश्रमलाई…

hero news full width

Recent Posts

भर्खरै

trending post

ट्रेन्डिङ्ग