पीएनलाई क्यूएए प्रमाणपत्र

आदर्श समाज सम्वाददाता
पौष २९, २०७५
pn 2

पोखरा, २८ पुस । पृथ्वीनारायण क्याम्पसले विश्वविद्यालय अनुदान आयोगद्वारा प्रदान गरिने गुणस्तर सुनिश्चितता तथा प्रत्यायन (क्यूएए) प्रमाणपत्र प्राप्त गरेको छ।

विश्वविद्यालय अनुदान आयोगका अनुरार देशभरिका ३० वटा सरकारी, सामुदायिक तथा निजीस्तरका उच्च शैक्षिक संस्थाहरुले यसप्रकारको प्रमाणपत्र प्राप्त गरेका छन् । यो आयोगद्वारा बनाइएको निश्चित मापदण्ड पूरा गरेपछि मात्र प्रदान गरिँदैआएको छ ।

सो प्रमाणपत्र प्राप्त गर्न गत वर्ष आयोगबाट आशयपत्र प्राप्त गरी अंग्रेजी विभागका सहप्राध्यापक डा मीन पुनको संयोजकत्वमा एकाइ गठन गरी क्यूएए प्रक्रियाको थालनी गरिएको थियो। संयोजक डा पुनका अनुसार गुणस्तरीयताको प्रमाणपत्र प्राप्त गर्न क्याम्पसले आयोगमा मूल्यांकनका लागि स्वअध्ययनको जेठमा प्रतिवेदन बुझाएकोमा त्रिवि पूर्व उपकुलपति प्राडा कमलकृष्ण जोशीको संयोजकत्वमा सहमूल्यांकन टीमले भदौ र मंसिर महिनाम क्याम्पस अवलोकन तथा मूल्यांकन भ्रमण गरेको थियो ।

विश्वविद्यालय अनुदान आयोगको कार्यालय सानोठिमीमा आयोजित कार्यक्रममा पीएनसहित कीर्तिपुरमा रहेको वनस्पतिशास्त्र केन्द्रिय विभाग, उदयपुरमा रहेको त्रियुगा जनता क्याम्पस, बुटवलको सिद्धार्थ गौतम बुद्ध क्याम्पस पनि थिए।

कार्यक्रममा पृथ्वीनारायण क्याम्पसका लागि सहमूल्यांकन गर्न गठित टीमका संयोजक प्राडा जोशीले पृथ्वीनारायण क्याम्पस आफैमा एक विश्वविद्यालय रहेको र हरेक दृष्टिकोणले सम्पन्न रहेकाले हामीले गुणस्तरको प्रमाणपत्र दिनुपर्छ भनेर सिफारीस गर्नमा कुनै द्विविधा नरहेको विचार व्यक्त गरे।

पीएन क्याम्पस प्रमुख प्राडा चन्द्रबहादुर थापाले ज्ञानबिनाको व्यक्ति र गुणबिनाको संस्था काम नलाग्ने हुनाले सो प्रक्रिया थालनी गरिएको बताए । डा पुनले इमान्दारीपूर्वक आफ्ना मातहतका टीमहरुलाई सक्रिय बनाई यो उपलब्धि प्राप्त गर्न सफल भएको र आगामी दिनमा उच्च शिक्षामा गुणस्तरीयता कायम राख्ने कुरामा पछि नहट्ने प्रतिबद्धता व्यक्त गरे। स्मरणरहोस् २०७५ सालको शिक्षा दिवस उपलक्ष्यमा नेपाल सरकारबाट पृथ्वीनारायण क्याम्पस देशभरिको आंगिक क्याम्पसमध्ये उत्कृष्ट घोषित भएको थियो।

Related News

सम्बन्धित समाचार

  • ‘महिला हिंसा अन्त्य गर्न कडा कानुन’

    आदर्श समाज सम्वाददाता मंसिर १९, २०७९
    पोखरा । गण्डकी प्रदेशका शिक्षा, संस्कृति, विज्ञान, प्रविधि तथा सामाजिक विकास मन्त्री मेखलाल श्रेष्ठले महिला हिंसा अन्त्यका कडा कानुन बनाउनुपर्ने…
  • पोखरा महोत्सव सफल पार्न ३७ उपसमिति र संयोजक चयन

    आदर्श समाज सम्वाददाता मंसिर १९, २०७९
    पोखरा । एघारौं संस्करणको पोखरा महोत्सव २०७९ सफल बनाउन विभिन्न ३७ उपसमितिहरु गठन गरी संयोजक तोकिएको छ । महोत्सव सफल…
  • स्टेप बाइ स्टेप माविमा खेलकुद

    आदर्श समाज सम्वाददाता मंसिर १९, २०७९
    पोखरा । स्टेप बाइ स्टेप मावि पोखरामा ३४ औं वार्षिक खेलकुद प्रतियोगिता आइतबार सुरु भएको छ । विद्यालयका संस्थापक निर्देशक…
  • हिंसाको प्रतिकार गर्नुपर्नेमा जोड

    आदर्श समाज सम्वाददाता मंसिर १९, २०७९
    पोखरा । हिंसा सहेर बस्न नहुने, हिंसाको प्रतिकार गर्नुपर्ने शनिबार पोखरामा आयोजित एक कार्यक्रमका वक्ताहरुले जोड दिएका छन् । सञ्चारिका…
  • शिवशक्ति क्याम्पसका प्रमुखमा चन्द्रकान्त नियुक्त

    आदर्श समाज सम्वाददाता मंसिर १९, २०७९
    पोखरा । पोखरा–११, फूलबारीस्थित शिवशक्ति क्याम्पसको प्रमुखमा सहप्राध्यापक चन्द्रकान्त रेग्मी नियुक्त भएका छन् । क्याम्पस सञ्चालक समितिका अध्यक्ष टुवराज बास्तोला…

hero news full width