पोखरा, २४ पुस । पोखरा वडा १३ ले स्वरोजगार कार्यक्रमअन्तर्गत १३ जनालाई सुधारिएको आरनका सामग्री वितरण गरेको छ ।

पोखराकै कान्छो वडाध्यक्ष दर्शन लामाले हरेक वर्गमा आर्थिक समृद्धि गने उद्देश्यले सोमबार सुधारिएको आरनका समाग्री वितरण गरेका हुन् ।

वडाको स्वरोजगार कार्यक्रमअन्तर्गत सो समग्री वितरण गरेपछि आत्मनिर्भरतामा समेत सहयोग पुग्ने विश्वास लिइएको छ ।

वडाध्यक्ष लामाले आरनमा आवश्यक सामग्री क्रमशः ठूलो घन, सानो घन, सन्नसो र हावा तान्ने फाल्ने मेसिन वितरण गरेका हुन् । स्वरोजगार कार्यक्रमअन्तर्गत आरनमा काम गने व्यक्तिलाई व्यवस्थित र स्थापित गर्न सामग्री वितरण गरिएको उनले बताए ।

कार्यक्रम संयोजक वडा सदस्य कमला विश्वकर्माले परम्परागत रुपमा गदै आएको पेशाको निरन्तरता र संरक्षण गने उद्देश्यले सामाग्री वितरण गरिएको भनिन् ।

वडा सदस्य टंकप्रसाद भट्टराईले यस्ता समाग्री वितरणले आफ्नो जीवन निर्वाह गर्न सहज हुने बताए । वडाले गत कात्तिक दोस्रो साता पञ्चेबाजा वितरण गरेर संस्कृति संरक्षण गर्नुका साथै आत्मनिर्भरमा ठूलो टेवा पुर्याएको थियो ।