हेमजा रेडक्रसले मनायो रजतजयन्ती

आदर्श समाज सम्वाददाता
पौष २२, २०७५
redcross hemja photo_Fotor

हेमजा, २१ पुस । नेपाल रेडक्रस सोसाइटी हेमजा उपशाखाले शनिवार रजतजयन्ती मनाएको छ ।त्यस अवसरमा उपशाखाको साधारणसभा सम्पन्न गरिनुका साथै सम्मान र आजीवन सदस्यताको प्रमाणपत्र वितरण गरियो ।

प्रमुख अतिथि रेडक्रस कास्कीका कोषाध्यक्ष सुरेन्द्र गुरुङले कार्यक्रम उद्घाटन गर्दै मानवीय सेवामा हेमजा रेडक्रसले खेलेको भूमिका प्रशंसायोग्य रहेको बताए । उनले अब भवन निर्माणतर्फ चासो दिन उपशाखालाई आग्रह गर्दै एम्बुलेन्स संचालनको सोच बनाउन पनि सुझाव दिए ।उनले विपद् राहत कोषको महत्वमाथि पनि चर्चा गरेका थिए ।

वडा सदस्य दलबहादुर कुँवरले विगतमा हेमजाको खानेपानी व्यवस्थापनमा उपशाखाको भूमिका स्मरण गर्दै भवन निर्माणका लागि वडास्तरबाट पहल थाल्ने प्रतिबद्घता जनाए ।

वडासचिव ईश्वरीप्रसाद बास्तोलाले सडक सुरक्षा, प्राथमिक उपचार, युवा परिचालन लगायतका क्षेत्रमा रेडक्रस उपशाखाले कार्य गर्दै आएको आफूले पाएको बताए ।

रेडक्रस कास्कीका सदस्य तथा उपशाखाका समन्वयकर्ता विष्णु भण्डारीले रेडक्रसको मर्म विपद्लाई घटाउनुमा रहेको प्रष्ट पारे ।

सो अवसरमा उपशाखाकी सल्लाहकार विष्णुमाया अधिकारी, गौरीशंकर माविका प्रधानाध्यापक अम्बरबहादुर कुँवर, युवा जुनियर परिचालन समितिका संयोजक माधवशरण पौडेल लगायतले पनि रेडक्रसको महत्वबारे प्रकाश पारेका थिए ।

कार्यक्रमबीच उपशाखाको गतिविधिमा सहयोग गरेको भन्दै विभिन्न संघसंस्थाका प्रतिनिधि, संस्थापक तथा दुई कार्यकाल बढी सेवा गरेका रेडक्रसकर्मी र ज्येष्ठ आजीवन सदस्यलाई सम्मान गरिएको थियो ।त्यस्तै आजीवन सदस्यताको प्रमाणपत्र पनि वितरण भएको गरिएको थियो ।

सो अवसरमा सांस्कृतिक संयोजक जयराम त्रिपाठी र सदस्य रीता कार्की कुँवरले भजन तथा भरतचन्द्र गौतमले रेडक्रससम्बन्धी गीत सुनाएका थिए ।

कार्यक्रमको महत्वमाथि सम्मान समितिका संयोजक समेत रहेका रेडक्रस कास्कीका उपकोषाध्यक्ष कृष्णप्रसाद पौडेलले प्रकाश पारेका थिए ।

संस्थाका सचिव तिलकप्रसाद तिम्सिनाद्वारा प्रस्तुत प्रगति प्रतिवेदन तथा उपकोषाध्यक्ष आरती अधिकारीद्वारा प्रस्तुत आर्थिक प्रतिवेदन छलफल गरी अनुमोदन भएको थियो ।

उपशाखाका कावा अध्यक्ष पूर्णलाल भण्डारीको अध्यक्षतामा सम्पन्न उक्त कार्यक्रममा सदस्य रीता कार्की कुँवरले रेडक्रसका सात सिद्घान्त वाचन, युवा जुनियर परिचालन समितिका संयोजक माधवशरण पौडेलले स्वागत तथा सचिव तिलकप्रसाद तिम्सिना र सहसचिव मीनबहादुर थापाले संयुक्तरुपमा कार्यक्रम संचालन गरेका थिए ।

Related News

सम्बन्धित समाचार

  • काइन्डनेस क्लब मदरल्यान्डको सहयोग

    आदर्श समाज सम्वाददाता असाेज १५, २०७९
    पोखरा । मदरल्याण्ड माविमा स्थापित काइन्डनेस क्लब मदरल्याण्डले बुधबार साथी संसार नेपालका बालबालिकालाई सहयोग गरेको छ । संस्थाका १ सय…
  • जनहित महिला समूहको शुभकामना

    आदर्श समाज सम्वाददाता असाेज १५, २०७९
    पोखरा । पोखरा ४, कालीमाटीचोकस्थित जनहित महिला समूहको आयोजनामा दसैंतिहार अवसरमा शुभकामना आदानप्रदान कार्यक्रम भएको छ । कार्यक्रममा गण्डकी प्रदेशका…
  • उदाहरणीय वडा अभियानमा अध्यक्ष कार्की

    आदर्श समाज सम्वाददाता असाेज १५, २०७९
    पोखरा । आफ्नो वडालाई उदाहरणीय वडारुपमा विकास गर्ने अभियानमा समाहित हुन पोखरा १४ का वडाध्यक्ष बोधबहादुर कार्कीले वडावासीसँग आह्वान गरेका…
  • पत्रकार महासंघ कास्कीमा इ–लाइब्रेरी सुरु

    आदर्श समाज सम्वाददाता असाेज १४, २०७९
    पोखरा, १४ असोज । नेपाल पत्रकार महासंघ कास्कीमा इ–लाइब्रेरी तथा स्रोत केन्द्र सुरु भएको छ । गण्डकी प्रदेश कानुन, सञ्चार तथा…
  • चाडपर्वमा मात्र अनुगमन

    आदर्श समाज सम्वाददाता असाेज १४, २०७९
    पोखरा । दसैंतिहार लगायत ठूला चाडपर्व भित्रिएपछि पोखरा बजारमा अनुगमन तीव्र बन्यो । अरु बेला सुतेर बस्ने अनुगमनकर्ताहरु चाडपर्व भित्रिएपछि…

hero news full width