पोखरा, २१ पुस। नेपाल भौतिकशास्त्र समाज गण्डकीमा मीनराज लम्साल चयन भएका छन्। शनिबार भएको पाँचौं अधिवेशनले लम्सालको अध्यक्षतामा नयाँ कार्यसमिति चयन गरेको हो।

समितिको उपाध्यक्षमा सुन्दर ढकाल, सचिवमा रवी कार्की, सहसचिवमा सुजन लम्साल र कोषाध्यक्षमा दीपक अधिकारी चयन भए। सदस्यमा लक्ष्मण तिमिल्सिना, अमृत ढकाल, नारायणप्रसाद भडारी, लक्ष्मण थापा र प्रदीप सुवेदी छन्। सचिव र एक खुला सदस्यमा चाहीँ मतदान भएको थियो। अमृत ढकाल सदस्यमा र रवी कार्की सचिवमा निर्वाचित भएका हुन्। अधिवेशनलाई सम्बोधन गर्दै नेपाल भौतिकशास्त्र समाजका अध्यक्ष पवन भट्टराईले भौतिकशास्त्रीहरुको भेलाले यसभित्रका समस्या समाधान गर्दै यो विषयमा पनि विद्यार्थीको आकर्षण बनाउन मद्दत पुग्ने बताए।