श्रीमतीलाई एसिड छर्किनेसहित चार पक्राउ

आदर्श समाज सम्वाददाता
पौष २०, २०७५

चितवन, १९ पुस  । आफ्नै श्रीमतीलाई एसिड प्रहार गर्नेसहित चार जनालाई चितवन प्रहरीले पक्राउ गरेको छ।

बुधबार साँझ पक्राउ पर्नेमा पीडित महिलाका श्रीमान् पोखरा १ बस्ने वर्ष ४६ का वीरेन गुरूङ, उनका साथीहरु पोखरा १०, रामघाटका वर्ष २४ का विवेक गुरूङ, पोखरा १ बस्ने वर्ष ४५ का वीरेन्द्रमान गुरूङ र पोखरा १० बस्ने वर्ष ३९ का होम थापा छन्।

विवेकले पारीवारिक झगडाका कारण श्रीमतीलाई एसिड प्रहार गरेको प्रारम्भिक अनुसन्धानबाट खुल्न आएको प्रहरीले जनाएको छ।

भरतपुर २४ मा रहेको माइतीघर बसेकी २० वर्षीया डोल्मा रूम्बालाई एसिड प्रहार भएको जिल्ला प्रहरी कार्यालय चितवनका प्रवक्ता डिएसपी दुर्गाराज रेग्मीले जानकारी दिए।

एसिड प्रहारबाट अनुहार र टाउकोमा असर पुगेको रूम्बाको भरतपुरस्थित चितवन मेडिकल कलेजमा उपचार भइरहेको छ। उनको अवस्था खतरामुक्त रहेको रेग्मीले बताए।

पोखराबाट ग१य ५४३ नम्बरको पर्यटकीय गाडीमा ४ जना युवासहित आएका वीरेनले युवतीको माइतीमा पुगी एसिड हानेको प्रवक्ता रेग्मीले बताए।

एसिड हानेर फरार रहेका चार जनालाई प्रहरीले घटना भएको एक घण्टाभित्र नारायणगढ, लायन्सचोकबाट नियन्त्रणमा लिएको हो।

घटना गराई भाग्न लागेको अवस्थामा सबैतिर घेराबन्दी गरी नियन्त्रणमा लिन सफल भएको रेग्मीले बताए।

पीडितका तर्फबाट विवेक गुरुङ र वीरेन गुरुङविरुद्ध किटानी जाहेरी परेपछि उनीहरुलाई अदालतबाट मिति थप गरी अनुसन्धान अगाडि बढाइएको छ।

अन्य दुई जनाका विषयमा पनि अनुसन्धान भइरहेको प्रहरीले जनाएको छ।

Related News

सम्बन्धित समाचार

  • मतदानमा सहभागी हुन मुख्यमन्त्रीको आग्रह

    आदर्श समाज सम्वाददाता मंसिर ३, २०७९
    पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले निर्वाचन आचारसंहिताको पूर्ण पालना गर्दै स्वतन्त्ररुपमा योग्य उम्मेदवारको छनौटका लागि मतदानमा संलग्न…
  • डेढ घण्टा हिँडेर विद्यालय

    रासस मंसिर ३, २०७९
    पाल्पा । निस्दी गाउँपालिका–४ भिरपानीका राजकुमार परियार गौरीशंकर मावि मित्यालमा कक्षा १० मा अध्ययन गर्नुहुन्छ । उहाँ गाउँदेखि करिब डेढ…
  • निर्वाचन तयारी : बार लगाउने, तारले छेक्ने

    धनबहादुर गुरुङ मंसिर ३, २०७९
    पोखरा । मंसिर ४ मा हुने प्रतिनिधि तथा प्रदेश सभा निर्वाचनका लागि कास्कीका मतदानस्थलमा आवश्यक तयारी तीव्र पारिएको छ ।…
  • नमुना मतदान केन्द्र सम्हाल्दै महिला कर्मचारी

    आदर्श समाज सम्वाददाता मंसिर २, २०७९
    पोखरा । आगामी मंसिर ४ मा हुने प्रतिनिधिसभा र प्रदेशसभा सदस्य निर्वाचनमा कास्कीका ३ वटा मतदान केन्द्रको नेतृत्व महिला कर्मचारीले…
  • मौन अवधिमा प्रचार गरे रु २५ हजार जरिवाना

    रासस मंसिर २, २०७९
    काठमाडौं । यही मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि आज मध्यरातदेखि मौन अवधि सुरु हुँदैछ ।…

hero news full width

Recent Posts

भर्खरै

trending post

ट्रेन्डिङ्ग