काठमाडौँ, १८ पुस । नेपाल आयल निगम लिमिटेडले पेट्रोलियम पदार्थको मूल्यमा प्रतिलिटर २ रुपैयाँ घटाएको छ।

समायोजन गरिएको मूल्यअनुसार अब पेट्रोल प्रतिलिटर १ सय ८, डिजेल र मट्टीतेल प्रतिलिटर ९५ रुपैयाँ भएको छ । यसअघि पेट्रोल प्रतिलिटर १ सय १०, डिजेल र मट्टीतेल प्रतिलिटर ९७ कायम रहेको थियो।

नयाँ मूल्य बुधबार राति १२ बजेदेखि लागू हुने निगमले जनाएको छ। अन्तराष्ट्रिय बजारमा पेट्रोलियम पदार्थको मूल्यमा पुनःकमी आएको र अमेरिकी डलरसँग नेपाली मुद्रा पनि केही बलियो भएका कारण मूल्य घटाइएको हो। हवाई इन्धन र एलपी ग्यासमा मूल्य यथावत राखिएको छ। रासस