टीयु बीबीए कप फुटबल शुरु

आदर्श समाज सम्वाददाता
पौष १९, २०७५

पोखरा, १८ पुस। टीयु बीबीए कप फुटबल प्रतियोगिता पोखरामा बुधबारदेखि शुरु भएको छ।

त्रिभुवन विश्वविद्यालयबाट सम्बन्धनप्राप्त बीबीए कक्षा संचालन भएका क्याम्पसका विद्यार्थीर्बीच हुँदैआएको सो प्रतियोगिताको आठौं संस्करण आदर्श युवा क्लबको खेल मैदान भण्डारढिकमा शुरु भएको हो। नौ दिनसम्म चल्ने सो प्रतियोगितामा देशभरबाट १७ टिमले भाग लिएको आयोजक जनप्रिय बहुमुखी क्याम्पसका उपप्रशासक एकनारायण अर्यालले जानकारी दिए। गत वर्ष के एण्ड के इन्टरनेशनल कलेज काठमाडौंले आयोजना गरेको यस किसिमको प्रतियोगितामा जनप्रियले उपाधि जितेको थियो । डिफेण्डिङ च्याम्पियन कलेजले अको वर्ष खेल आयोजना गर्नुर्ने प्रावधानअनुसार पोखरामै पहिलो पटक बीबीए कप फुटबल सम्भव भएको अर्यालले बताए।

प्रतियोगिता उद्घाटन गदै गण्डकी प्रदेशका सामाजिक विकास मन्त्री नरदेवी पुनले आगामी ५ वर्षभित्र प्रदेशका सबै स्थानीय तहमा खेलकुद मैदान बनाउने बताइन् । उनले पोखरामा अन्तराष्ट्रियस्तरको सुविधासम्पन्न खेल मैदान बनाउने तयारीमा समेत प्रदेश लागिपरेको र सहयोगको आह्वानसमेत रहेको बताइन् ।

जनप्रिय क्याम्पस संचालक समिति अध्यक्ष इन्द्रबहादुर कुँवरको अध्यक्षतामा भएको उद्घाटन समारोहमा वडा २९ का वडाध्यक्ष चेतबहादुर कुँवर, जनप्रिय बहुमुखी क्याम्पसका क्याम्पस प्रमुख वीरञ्जी गौतम, क्याम्पस प्रमुखहरुको तर्फबाट जनप्रकाश बहुमुखी क्याम्पसका क्याम्पस प्रमुख ऋषि बुढाथोकी, प्रतियोगिताका मुख्य प्रायोजक ओम डेभलपमेन्ट बैंकका प्रमुख कार्यकारी अधिकृत विश्वमोहन अधिकारी, जनप्रिय स्ववियु सभापति आशीक गुरुङ, एशोसिएसन अफ बीबीए स्टुडेन्ट (एबीएस) का अध्यक्ष पारस पोखरेल, आदर्श युवा क्लबका अध्यक्ष लक्ष्मीप्रसाद भण्डारी लगायतले मन्तव्य व्यक्त गरेका थिए।

प्रतियोगिता विजेताले ७५ हजार र उपविजेताले ३५ हजार साथमा ट्रफी, मेडल र प्रमाणपत्र पुरस्कार पाउनेछन् । यस्तै, वेष्ट प्लेयर र वेष्ट टिमलाई समेत पुरस्कृत गरिनेछ ।

ओम डेभलपमेन्ट बैंकले मुख्य प्रायोजन गरेको प्रतियोगितामा जनप्रिय सहित भक्तपुर बहुमुखी क्याम्पस भक्तपुर, के एण्ड के इन्टरशेनल कलेज काठमाडौं, कान्तिपुर कलेज अफ म्यानेज्मेन्ट एण्ड इन्फरमेसन टेक्नोलोजी काठमाडौं, क्याथफोर्ड इन्टरनेशल कलेज काठमाडौं, महेन्द्र मोरङ आदर्श बहुमुखी क्याम्पस विराटनगर, नेपाल कमर्स क्याम्पस काठमाडौं, पीपल्स क्याम्पस काठमाडौं, पृथ्वीनारायण क्याम्पस पोखरा, प्राइम कलेज काठमाडौं, पब्लिक युथ क्याम्पस काठमाडौं, सैनिक आवासीय महाविद्यालय भक्तपुर, शंकरदेव क्याम्पस काठमाडौं, पाटन बहुमुखी क्याम्पस ललितपुर, वीरेन्द्र बहुमुखी क्याम्पस भरतपुर, महेन्द्र बहुमुखी क्याम्पस धरान, महेन्द्र बहुमुखी क्याम्पस नेपालगञ्जले भाग लिएका छन् ।

आयोजक जनप्रिय बहुमुखी क्याम्पस क्युएए प्राप्त क्याम्पस हो।

Related News

सम्बन्धित समाचार

  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…
  • पोखरामा पहिलो पल्ट मोटरसाइकल रेस, बाम्दीमा यसरी ओइरिए दर्शक

    विजय नेपाल चैत्र २६, २०८०
    पोखरा । पोखरा राइडर्स क्लब आयोजनामा पहिलोपल्ट भएको पोखरा मोटो–इन्डूरो क्रस च्याम्पियनसिप अभूतपूर्व सफलरुपमा सम्पन्न भएको छ । पोखरा २३,…

hero news full width