लायन्स क्लबको चार्टर हस्तान्तरण

आदर्श समाज सम्वाददाता
पौष १९, २०७५
charter

खैरेनीटार, १६ पुस। लायन्स क्लब अफ पोखरा वेगनास चौतारीद्वारा शुक्लागण्डकीमा आयोजित कार्यक्रममा लायन्स क्लब अफ तनहुँ खैरेनीटारलाई चार्टर हस्तान्तरण गरिएको छ ।

प्रमुख अतिथि लायन्स इन्टरनेशनल ३२५ बि १ का डिष्ट्रिक गभर्नर अशोककुमार श्रेष्ठले समाजको हित हुने गरी सामाजिक सेवाका क्षेत्रमा कार्य गर्न अनुरोध गरे। उनले भने, ‘हामी खालि आएका हौं र खालि नै जानेछौं । त्यसैले आफूले कमाएको केही अंश र जीवनको केही समय सामाजिक सेवामा लगाउनु पर्छ । दिने कहिल्यै सकिएर जाँदैन ।’

लायन्स क्लब इन्टरनेसनल ३२५ वि १ नेपालका जोन चियरपर्सन सन्तोष घिमिरेले सामाजिक क्षेत्रमा सहयोग गरी आत्मसन्तुष्टि लिनुर्ने बताए। उनले सामूहिक रुपमा कार्य गर्दा ठूलो काम पनि सजिलै सम्पन्न गर्न सकिने जनाए।

कार्यक्रममा डिष्ट्रिक्ट सेक्रेटरी रामबहादुर बसेल, तीर्थलाल श्रेष्ठ, एनएलएफ डिपार्टमेन्ट चिफ विनोद ढुंगाना, लायन्स तनहुँ खैरेनीटारका अध्यक्ष समुद्रराम श्रेष्ठ लगायतले बोलेका थिए।

ध्वजाको वाचन लायन महेश्वर रिमालले गरेको कार्यक्रममा लायन्स तनहुँ खैरेनीटारका सम्पूर्ण टिमलाई प्रमाणपत्र प्रदान गरिएको थियो ।

साथै अतिथिलाई मायाको चिनो प्रदान गरिनुका साथै विविध नृत्यसमेत प्रस्तुत गरिएको थियो।

लायन्स पोखरा वेगनास चौतारी अध्यक्ष विधान गौतमको अध्यक्षतामा भएको कार्यक्रममा स्वागत लायन्स खैरेनीटारका प्रथम उपाध्यक्ष सुजित हिराचन र सञ्चालन लायन्स पोखरा वेगनास चौतारीका कोषाध्यक्ष सागर बरालले गरेका थिए।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width