टुँडीखेल व्यापारिक समितिमा बास्तोला

आदर्श समाज सम्वाददाता
पौष १७, २०७५
tudekhel bazar narayanhari bastola

हेमजा, १६ पुस ।पोखरा–१ स्थित टुँडीखेल बजार व्यापारिक समितिको सम्पन्न आठौं साधारणसभा तथा छैठौं अधिवेशनले नारायणहरि बास्तोलाको अध्यक्षतामा नयाँ कार्यसमिति चयन गरेको छ ।

समितिको उपाध्यक्षमा सीता पौडेल, सचिवमा शिव पौडेल, कोषाध्यक्षमा तारापति भण्डारी तथा सदस्यहरुमा मुक्तिराम सुवेदी, गीता दमाई, पवित्रा सुवेदी, शोभाखर पौडेल र विष्णु भण्डारी रहेका छन् ।

त्यस्तै सल्लाहकारमा सुर्य दाहाल, गणेश सुवेदी, शेषमणि बास्तोला, रामप्रसाद देवकोटा, हरीप्रसाद गौतम, नारायण सुवेदी र शान्ताराम लामिछानेलाई छनोट गरेको छ ।

व्यापारी नारायण सुवेदी संयोजक तथा सुर्य दाहाल र शेषमणि बास्तोला सदस्य रहेको निर्वाचन मण्डलले समिति गठन गरेको हो । कार्यक्रममा नारायणप्रसाद सुवेदी, सूर्य दाहाल र नारायणहरि बास्तोलाले व्यापारीको हकहितबारे बोलेका थिए ।

संस्थाका अध्यक्ष गणेशप्रसाद सुवेदीको अध्यक्षतामा सम्पन्न उक्त कार्यक्रममा उपाध्यक्ष सीता पौडेलले स्वागत तथा संचालन सचिव प्रेम अधिकारीले गरेका थिए।

उक्त समितिमा राष्ट्रिय माविको व्यापारिक कम्प्लेक्समा व्यापार व्यवसाय संचालन गर्दै आएका व्यवसायी आवद्घ छन् ।

Related News

सम्बन्धित समाचार

hero news full width