तमुधिं आमा समूहको ल्होछार शुभकामना

आदर्श समाज सम्वाददाता
पौष १५, २०७५
Tamu Lhochhar

पोखरा, १४ पुस। तमु धिं केन्द्रीय आमा समितिले तमु (गुरुङ) जातिको फो ल्होछार अवसरमा शुभकामना आदानप्रदान गरेको छ।

प्रमुख अतिथि पोखरा ९ का वडाध्यक्ष रामराज लामिछानेले कार्यक्रम उद्घाटन गरेका हुन्। उनले नेपाली संस्कृति नै राष्ट्रियताको आधार रहेको औंल्याए। राज्यले संस्कृति संरक्षण एवं विकासमा ध्यान दिनुपर्ने उनको जोड थियो। उनले ल्होछार गुरुङको मात्रै नभएर आम नेपालीको चाड पर्व भएको दाबी गरे।

पोखरा ९ भित्रै तमु धिं नेपालजस्तो गर्विलो संस्था रहेकाले वडाले विकास र समृद्धिको लागि साथ पाउने विश्वास व्यक्त गरे।

कार्यक्रममा तमु धिं नेपाल अध्यक्ष कर्म तमुले फो ल्होले एकता, सद्भाव, विभेद अन्त्य, समतामूलक समाज र समृद्ध नेपाल निर्माणको सन्देश लिएर आउने विश्वास व्यक्त गरिन्।

तमु धिं नेपालको सांस्कृतिक उपसमितिद्वारा आयोजित फो ल्होछार विशेष सांस्कृतिक कार्यक्रम र पुस १६ गते सामूहिक ल्होछार कार्यक्रममा सबैको सहभागिताका लागि गुरुङले आग्रह गरिन्।

बौद्ध अर्घौ सदन अध्यक्ष तथा सामूहिक फो ल्होछार/ल्होसार समिति संयोजक क्या.भुवनसिं तमु, तमु धिं नेपालका अध्यक्ष तथा आमा समितिका सल्लाहकार हुमबहादुर तमुलगायतले ल्होछारको शुभकामना मन्तव्य राखेका थिए।

कार्यक्रममा याङ्जाकोट तमु समाज, पैयुँखोला तमु समाज, चिउली पाचे तमु समाज, हिमाली गुरुङ परिवार, कोल्मा बहाकोट तमु समाज, जोगीमणि तमु समाज, कृष्ण मन्दिरलगायतका आमा समितिले विविध सांस्कृतिक कार्यक्रम प्रस्तुत गर्दै ल्होछारको स्वागत गरेका थिए।

तमु धिं नेपाल केन्द्रीय आमा समिति अध्यक्ष हरिमाया तमुको अध्यक्षतामा सम्पन्न कार्यक्रममा वरिष्ठ उपाध्यक्ष पञ्चकुमारी तमुले स्वागत र सहसचिव बालकुमारी तमुले संचालन गरेकी थिइन्।

Related News

सम्बन्धित समाचार

  • निशुल्क स्वास्थ्य शिविर

    आदर्श समाज सम्वाददाता मंसिर २१, २०७९
    पोखरा । रोट्याक्ट क्लब अफ न्युरोड पोखरा, रोट्याक्ट क्लब अफ मणिपाल मेडिकल साइन्स र रोटरी क्लब अफ न्युरोड पोखराको संयुक्त…
  • महानगरकै नमुना सडक !

    आदर्श समाज सम्वाददाता मंसिर २१, २०७९
    लेखनाथ । पोखरा २६ स्थित प्रगतिटोलको सडक ढलान तथा नाला निर्माण योजनाको सोमबार वडाध्यक्ष नरेन्द्र थापाले शुभारम्भ गरेका छन् ।…
  • अन्तरविद्यालय चित्रकला

    आदर्श समाज सम्वाददाता मंसिर २१, २०७९
    पोखरा । सातौं पर्वतीय महोत्सवअन्तर्गत अन्तर्राष्ट्रिय पर्वतीय संग्रहालयमा अन्तरविद्यालयस्तरीय चित्रकला भएको छ । पर्वतीय महोत्सवको पूर्वसन्ध्यामा नेपाल पर्वतारोहण संघ र…
  • लैंगिक हिंसाविरुद्ध सचेतना र्‍याली

    आदर्श समाज सम्वाददाता मंसिर २१, २०७९
    पोखरा । सामुदायिक वन उपभोक्ता महासंघ नेपालले लैंगिक हिंसा न्यूनीकरणका लागि राष्ट्रव्यापी रुपमा १६ दिने अभियान सञ्चालन गरेको छ ।…
  • लेकसाइडका होटल तथा रेष्टुरेन्टलाई स्तरीकरण लोगो

    रासस मंसिर २१, २०७९
    पोखरा । लेकसाइडस्थित होटल तथा रेस्टुरेन्टलाई सूचकाङ्कका आधारमा स्तरीकरणको ‘लोगो’ वितरण गरिएको छ । खाद्य प्रविधि तथा गुण नियन्त्रण कार्यालय,…

hero news full width